呢篇BLOG，我原想在THU打，拖拖下FRI又冇打，SAT又唔得閒打，就趁而家未瞓得着先記低

禮拜四，又要上悶到爆炸GE化學堂，原先同明珠話起身食早餐，但到最後都系太趕冇食

艱辛地挨到落堂，同其他三個僑生去一餐食早餐吹水，吹到十一點阿溫番宿舍先，剩番明珠同CHRIS同我繼續吹，吹到十二點，D學長姐同FD見到我地都好訝異，話我地得閒到留系餐廳吹水

所以就咁又等到CALCULUS堂，又教埋哂D超簡單GE極限，雖則我自己都唔識...但唔可以咁GA!!好多台生之前都冇學過GA!!要就下佢地...所以CALCULUS又變左一堂吹水堂

原先以為完左就可以去做自己野，但班代話臨時加插左一堂講座叫我地一定要到。明珠陪我將資料寄番澳門之後去學校書局行左一陣，點知見到二手書區有我地需要GE書!!而且仲比較平!!真系比佢激死...

上到去人文社，想系門口睇下先再決定入唔入去，但一睇就注定我地GE命運，大大個教官企左系度...我同明珠躡手躡腳搵個位坐低簽到。點知個講座系講點樣收納，等我地宿舍可以好D...無聊到爆炸!!!

本應都唔系瞓得好好，佢仲催眠過CALCULUS同化學阿SIR，我瞓成覺佢都仲系度講，仲吹噓到自己有幾勁有幾威，我真系頂唔順，真系逼我逼到粗口都要講埋出唻，真系頂你個肺咩，講咁耐，我地間房點執都咁亂GA LA，三個僑生行李好少咩...

到最後問題時間，以為可以走，點知佢又唔知諗起D咩念頭，教我地摺野，我真系好想講超粗口罵佢，但佢又聽唔明...算，我都系繼續做番我個乖乖女...

激氣到爆炸，剩番GE時間又唔多，飯都冇得食，又要趕住去書局買書，跟住直踩歷史堂

歷史堂個MISS攞左隻碟入唻，原先以為好好過，但點知途中個PROJECTER跳fuse，又要去第二間睇，但抵死GE系佢要由頭再睇過LO...悶到爆炸又暴燥，又想頂佢...

到最後仲比佢拖多十幾分鐘先落堂，落堂即刻拉大隊去食野，有GARY,CHRIS,127,17,明珠，阿溫& ME

出到去去左一間舖頭食麵，班傻仔原先仲話食大大佬，一定飽死，最後逼佢地就我地女子組~~~

我地一邊食一邊傾計，原來上堂之後GE兩個星期發生左咁多事，聽到都覺得好笑，仲唔知點解我咁又興致唔理我D痘痘話去食雞排添!!

去完雞車買左塊特大雞排同明珠分，THEN番到學校GE SEVEN買思樂冰，就上到去夢泉坐低食...

但點知17上到去冇幾耐，即刻比佢D同學&學長姐認出，將佢丟落夢泉，而佢亦都冇反抗，到最後濕住番唻，又番左宿舍沖涼，到最後杯思樂冰仲差D比我倒瀉...HAHA!!!

番到宿舍，我同明珠講，原來嬲完之後有開心野系會開心D GA!!!原先激氣GE野都瞬間消逝~~~

星期五，由於上個禮拜冇上堂，所以就乜都唔知，英文堂去錯教室，冇拉拉比老師明屈我測左個TOEIC TEST，THEN物理堂又系半黑GE聊天狀況下上完

去番一餐食LUNCH，又比阿溫嚇左一餐，THEN GARY同幼青又系度互爆佢地同女仔D野，THEN又要以極快GE速度行去工學院，點知去到冇位!!!

等左N世耐個教授都仲未嚟，我就唻要發爛JA，佢又唔知點分，將我地排到最後面嗰排，唉~~都系習慣左僑生系比人忽略GA LA...

到最後大家互相安慰自己，後面有軟墊可以瞓教，又可以傾計，反正佢上堂都唔系講D乜野，又就咁HEA過去...

THEN愛校服務GE組長一落堂就拉住左我地去食科館同研究所打掃，系咁咦就HEA過去...

完左之後又比阿CHRIS同明珠拉左我去SEVEN陪佢地食野，但坐左冇幾耐就番宿舍LU...因為我有小家聚，要番去沖涼洗頭

出到去祥豐校門，伍淑同阿蝦學長已經等緊，但OSCAR學長仲未唻，所以...唉~~

我地出到基隆市區一間叫陶太郎GE火鍋餐廳，等埋欣學姐就開餐~~~

原來，伍淑=我媽媽，欣學姐=我婆婆，阿蝦學長=我太公，而OSCAR...HAHA，佢=我太太太公，據聞我仲有個學姐，但佢大四畢業番左澳門，如果唔系GE我仲有個太太婆   HAHA!!

而且我家仲有個特點，就系個個都系短頭髮的，即使學姐學妹都系~~~但我唔夠膽講比佢地聽我有點兒想留長GE事，反正我最後都應該會忍唔住剪左佢

星期六，十一點半起身，做PHY LAB 預報&CALCULUS，但中途拉醒左明珠落去SEVEN食野

番到唻，完全冇心機做CALCULUS，最後放棄，睇戲，傾計咁過左成個下晝

夜晚跟明珠參加海馬會GE BBQ，海馬會真系好玩好多，馬來西亞人又熱情，同我地又易溝通，MISS LAM真系冇講錯，我愛死海馬會LA，我仲唔想理港澳會直接JOIN海馬會添!!

政仁學長一邊催我地宿舍門禁，但我地都系玩到十一點半先走，真系唔捨得走~~~宿舍有門禁真討厭!!!

番到唻沖完涼洗完頭...直到衣家都瞓唔着~唉，都唔知煩緊咩??