如果唔系阿包，我都唔會系度打多次blog...

阿包錯過左down澳大入學證ge日期，問我得唔得

幫佢之前，入我嗰個睇下得唔得先la，跟著再入阿包嗰個，真系唔得...

原因?我down左准考證，所以可能仲入得gua

跟住點知比我發現，我唔知點解會考數A lo，明明我考數B ga ma，但准考證同資料都顯示我考數A...

我有懷疑過自己系報名嗰陣摁錯，但亦都唔排除佢出錯。

總而言之，而家考澳大機會渺茫，我最後會入理工吧...(既然中山又爭崩頭，台灣又咁難考，考到都未必好，連澳大都唔收)

好憎澳大，超憎澳大，自己出要考咩科咪得LO，又要人地揀...

搞到唔想去考，我憎死澳大!!!!!!!!!!

唔想番大陸ar，所以就決定tum我老豆入局﹕

我有試要考!!

反正，到最後，老豆真系被我tum左入局，佢就同細路番大陸...

(當然事先已經賄賂細路)

不過，差d穿煲，尋晚都系臨急臨忙打比阿琪，到佢家暫避...

但紙包不住火，都系比佢脅持左我系佢到食飯瞓覺...

未瞓著之前都好驚ar，但熟睡之後異常平靜...

今朝，n咁多個電話打唻，嘈住哂，最早嗰個電話仲要去七點幾，八點lo!

再瞓番之後，玉姑姐十點幾叫醒我地，話小叔請飲茶，大家先起身刷牙洗面

我同阿琪仲話寧願去松山都唔去飲茶，但最後都系乖乖咁就範

飲茶，真系一項幾悶ge社交行為...

好不容易食完，就陪聰哥&家輝去望廈book場，但點知到最後都系比佢地玩左...

好唔耐煩lo!!!點拉阿琪都唔肯走...

最後，攞好哂野先系屋企等老豆佢地番唻...

今日，瞓到差唔多兩點先起身，皆因尋晚緊張得制瞓唔著，搞到三點幾四點先瞓

起身自己煮d米粉，香腸，咁又一餐...

大約鐘數就開始裝身la，不過總系有d緊張ge心情

裝好身之後，着起對高踭鞋，發覺唔系路，好似自己唔習慣

但已經好遲，一定要出門口，所以都系頂硬上...

又落雨，又要逼巴士，真難受...

去到，填好份form，嗰個職員就話我入得!!

但我啱啱先含住舊朱古力，都未吞，開始融ja!!

所以系出面用左大約十幾秒ge時間，將佢吞入肚

入去，客套左兩句，就坐低，開始我ge自我介紹

但系d朱古力仲未落哂去，系喉嚨到"卡住"，所以窒左兩三次

跟住女ge面試員問左我兩條問題﹕1.你對澳門成為健康城市有咩睇法?   2. 你揀藥劑學，咁系服用醫生處方ge藥物之前有咩需要注意ge呢?

第一條問題我大約有個概念ge，不過表達就好似未如理想

第二條呢，就真系簡單到爆炸la，有常識ge人都識答

跟住男ge面試員就用英文唻問我﹕what are your strengths and weaknesses?

其實我只聽到what同埋weaknesses，但系以我咁聰明ge頭腦都知佢系問我強項同弱項la

好彩仲記得elsa幫我地做ge練習je，所以我答左strength=talk in front of a crowd because我做過mc；weaknesses=remember something which happened shortly，其實我唔知grammar啱唔啱，但大約就是這樣吧

咁樣就完左個面試，落到去，超大雨，跟住仲發現把遮爛左添，開唔到，好彩勉強擔到去巴士站

唉，能夠系擁擠的巴士中順利回到家算好ga la

但我今次真系有信心入到ga，如果其他人唔係太強ga wa...