好開心呀..今日放早...但冇人同我食...唯有自己搞掂..走去大埔廣場買野食..宜家放早返屋企既指定動作係洗衣同拖地....呢期冇咩點同我個好姊妹同公主電聯...同嘟嘟佢地3個都係有時放工傾兩3句電話.....因為真係冇咩時間...有時累到電話都唔想講....感覺上呢個世界好似得自己一個咁....日日都係起身返工...放工.....返屋企訓....做所有野都係得自己一個..放早又要趕住返去整其他野....好彩重有我既愛兒朱仔陪我....遲啲月底又多個成員喇...就係愛犬卡卡....
今次既澳門之旅係去得成既......已經confirm左．．．．但我同嘟嘟同phoebe都想即日來回．．．但agnes又話唔想喎．．．．最後都要就佢一個２日１夜之旅．．．．搞到有啲唔想去．．．．我又冇咩錢．．．．要問佢借．．．算啦．．．去開心下都好既．．．
決定左遲少少會去出新電話．．．．宜家呢部完全係垃圾囉．．．唔該．．．成日０係屋企都收唔到．．．．激死．．．．重諗緊轉咩台．．．可能用新世界．．．電話會用NOKIA電話．．．．電話NUM會開新既．．．．我諗呢個半月之內會轉．．．到時先話你地知啦．．．
宜家公司啲同事都唔錯.....個個都新入去....所以傾得埋...不過係完全證明到一樣野...就係男人總係咁口多多....哈...真係好笑....
有一日上左個朋友既日記睇.....發現佢同我都好相似.....有啲身同感受.....
有次同好姊妹吹開水.....言談間佢好似有啲想我搵番個男朋友....咁當然我冇當面問佢係咪咁諗啦.....我都係估下姐.....我諗現階段真係冇咁既需要.．．.我已經對拍拖呢樣野失望.．．有又唔代表開心既.....你當佢男朋友又唔代表佢會當你女朋友既......到最後換黎既可能只係一身傷... |
