今日返1045-845,沉日打俾你3次..你都唔聽我電話..相反公主幫我打俾你..哈...你竟然聽....好明顯你想避開我..我打信息俾你話可唔可以唔好咁對我..你都冇理...算.....唔再打俾你...

今日食飯0個陣...同自己講.今次最後一次打俾你...你再唔聽電話..我就唔再打...響響下...想收線..突然間你接聽..係因為你心軟ma?.曙光出現...好開心...我問你點解沉日唔聽電話..你0既答案係話唔舒服...哈..好一句唔舒服...唔舒服點解又要聽公主電話?.冇說話好講..我話今晚收早去等你收工...你話約左同事...你係咪真係咁忙呀?我話你避開我..你話唔係..只係好忙..我忍住眼畢P你講以為你唔想再見我..唔會再搵我....你話唔係.....又話收工先再打俾你...

好辛苦滿懷期待等收工...打俾你..你話叫我遲啲先攞俾你..我話只係見下你講幾句說話..苦苦哀求..你心軟...同我講去到再打俾你...去到你公司附近公園等你..俾左份禮物你....你話你呢個時候真係想冷靜下...我知..我知你想冷靜..但我比你更加需要冷靜...每當我諗起呢4 年黎所發生0既事....2個月後所發生0既事..我啲眼眼N忍唔住係咁流出黎...明明係好唔開心都要係其他人面前扮冇事....真係忍得好辛苦....我同你講..我真係怕宜家唔見..2個月後再冇咁0既機會....我問你可唔可以應承我無論2個月後發生咩事都唔可以係我面前消失....你話應承我唔消失...我咁大個女都未試過咁樣低聲下氣去求一個人..我諗你係第一個...講到痊y滿面...你話你唔想將我當做另一個人....唔想最後連朋友都冇得做....我話就算其他人話等黎都冇用我都會照等....之後講講下...你話重有野要做叫我返去先...之後先打俾我...但我知道你係唔會打俾我.....你只係講下......

返到屋企....個'立'像係張床度...望左一陣...放番好之後去沖涼.....左唔多諗住訓個陣...係張床度見到個'立'像碎左...係碎左....我忍不住係度叫做咩碎左....老豆入黎問咩事...我已經唔理咁多係咁係度喊..我同老豆講好重要唔可以爛..我係度諗唔可以連你送俾我0既野都爛埋..因為每當我望住個'立'像都會諗起好多回憶,個'立'像就等於你一樣.好有紀念價值.老豆問我係咪阿roy送..我話唔係..係第2個送...講到呢度..電話係度響..以為唔知邊個又打黎..點知原來係你....我同你講個'立'像碎左...你話算啦...點解?唔可以就咁算....你唔係我你唔會明白個'立'像對我有幾重要....你係咁話算...你所講0既算係叫我唔好再諗...有啲覺得係話中有意....講左一陣就收左線...

重有60日.....今日返1215-1015..最後沉日你冇等我放工...都冇主動打俾我...沉日返工撞到june..佢話原來之前個晚約左你去吹水..係花果山..咁啱個晚我又同apple吹水..本身想去花果山..但後來諗下都係唔去...如果去就可以見到你..激死我...緣慳一面!!!!!放工之後打俾你..你唔聽我電話...算啦.我諗你係想避開我..打左俾roy搵佢落bar..同roy收左線..你又打俾我.....我問做咩唔聽我電話..你話頭先傾電話..你話你冇避開我...希望事實係咁...你又問我係咪一直期待呢一日...我話係....後來你講左番說話...你0既意思係叫我唔好咁大期望你可以忘記b小姐.你話可能我地有緣無份...我知..我清楚..明知你係做唔到...我都會相信你..就算2個月等唔到....一年等唔到...二年等唔到...我都會繼續等下去.....忘記一個人...可能用上一生時間都忘不了....但感動一個人..要的只是一個好機會....我同你講想同鍾意係兩回事...你對b小姐係想定鍾意..你話係鍾意囉...呢層我都知....我可以做的只有等....返到屋企...見到你送比我個'立'像....啲眼淚忍唔住流出黎...我一定會好好珍惜你送比我0既'立'像....係咁喊..都唔知喊左幾耐先訓....記得你講過其實你想送有心0個個比我...但我抽到另一個...難道就已經注定了?

重有61日....先到6月5日....太過漫長..好似度日如年....沉日見唔到你...唔知今日你會唔會等我收工..我諗唔會...唔知你係咪真係會問人借電腦online 睇我0既日記..不過我諗你都係講笑...呢一刻真係好想俾你知我日記入面所寫0既野..

今日返1215-1015...好想搵人落bar..飲酒....

沉晚online 又見到0個個咩憤怒的人留言...哈.. 今次改左叫咩心涼的人..咩話醒我..諗下自己之前啲行為..哈 ...咩行為呀?我宜家有冇搶到人地男友先?冇丫ma ...冇就唔好亂講啦..我都話ga啦...你夠謄咪留名留性囉 ...如果我有做我唔怕認囉...

沉晚傾到成3點..喊到眼都腫埋...今日返工我個好同事見到肯定又係度問我...好煩..訓到8點幾起左身打日記..打番沉日細佬同我講啲..真係眼淚係咁流..好彩今日見唔到細佬....陣間要返工...真係唔係好想返..宜家咁0既狀態...連想食野0既胃口都冇...好想快啲到6月5日....

頭先開日記見到唔知邊個留言..係度話我咩好好地拍拖..唔好搵啲有女朋友個啲..仆街...!!!咩意思呀 ....真係好想知邊啲無謂人打囉....咁我鍾意阿偉個陣都冇諗過佢會有女朋友ga....我知就唔駛識左佢先知搭錯線啦...真係好嬲囉...我幾時有拆散人呀....夠膽就留大名啦...又要話咩憤怒的人....我最憎啲講得出又要怕俾人知係邊個既人....重要講左句不知所謂0既說話囉...我諗肯定係我識佢囉...要講咪當面講囉..做咩要偷偷摸摸講呀?

返到公司...心入面不停諗起我同細佬所發生0既所有事情...真係好怕見唔倒佢...啲眼淚差啲走出黎咁滯...我同自己講...唔可以喊...但係真係忍唔住...不斷話自己..喊還喊...喊都要行遠啲....唔可以係公司喊...唔可以俾情緒影響工作..要堅強啲....但宜家兩個月對我黎講..真係好耐...食飯個陣去買左香水俾細佬....唔知佢鍾唔鍾意...好辛苦先等到收工...但細佬冇打俾我.....我都冇打俾佢.....控制住自己....之後同左apple去盡訢心中情...各自各訢苦....每次有啲咩事我都總係只會諗起apple....傾到成12點幾先返屋企...最後都係忍唔住send信息俾佢....但細佬冇應我....我諗佢應該訓左......

今日一早起身帶阿妹返去老豆0個邊..沉晚已經冇訓過咁滯....好累..之後又要趕返屋企整埋個蛋糕俾細佬..跟住就要即刻去學琴..真開心...學完琴就同細佬去街..但我覺得事情總係唔會咁順利...學學下琴..電話響....細佬打俾我..佢話重0係屋企要去睇doctor喎...好失望...我話咁姐係唔去?佢話唔係..睇埋doctor先..哦....學完琴..搭車出天水圍搵佢...係電話度又話公主搵佢今晚食飯..咁姐係去唔到尖沙咀啦....算..出到去搵佢.....佢又話唔睇doctor...好..唔睇就唔睇...咁就搭車出沙田..我話想睇戲...搭車0個陣我問佢做咩沉晚放工唔打番俾我...佢話同啲同事玩得顛得滯...所以冇打番俾我..咁講真...就算你幾忙..我相信阻你一分鐘時間打俾我唔係好多姐...咁都唔得..好..我忍...之後佢響左幾個電話....佢啲同事打俾佢...問佢同緊邊個一齊..佢話朋友囉...哈...朋友?點解唔可以講女朋友?點解?真係唔開心囉.....但我只好扮冇野..

落到車...佢電話又響..真討厭...佢同我講話可能要返一返公司做野...哈...今日我同你出黎係拍拖..唔係返公司...咁姐係要放低我係沙田自己一個?真係想喊囉....好..繼續扮大方..我同佢講你要做野返去先..我自己一個等公主出黎...個一刻我寧願佢返公司做野..因為我啲眼淚就黎忍唔住...死忍....同佢去左食野..佢同我講左啲野...佢話個時為左b小姐走去借錢..呢層我知..佢又話宜家重未忘記到b小姐..佢屋企重有b小姐啲野....佢銀包重有佢副相..佢好老實同我講..話唔想第日係我發現0既時候誤會佢..佢唔想對我唔fair..咁姐係咩意思?係想話唔好一齊?...我聽完冇咩反應佢忘記唔到b小姐我冇野講...佢同佢發生咁多事...重未忘記到我唔會怪佢...食完野俾錢..佢冇幫我俾..係我自己俾...點解?我唔係計較錢0既問題..而係你係我男朋友...點解?之後去行街..我其實好想去睇戲..但佢以為同埋公主一齊睇..但公主要成6點先出到黎..唉..咁姐係睇唔成...只係短短個幾鐘..我0既心情就好似過山車咁又上又落..見到佢好開心....但好多問題又令我唔開心...行街個陣佢唔會拖住我..只有我主動拖住佢..點解?點解唔主動拖住我...??等到公主黎到沙田..佢又搵埋阿roy出黎...佢話唔知公主知道會有咩反應..去到....4個一齊去食飯...佢冇行去我身邊拖住我..只係同阿roy一齊行..唔理我...直到食完飯佢都冇講..之後又去行街..講真真係冇心情行..咁啱公主同阿roy睇緊野...佢知我唔開心..問我做咩..我話冇野..我問佢點解唔同公主講我地一齊...?佢話遲啲先講..咁姐係幾時...大家都咁多年朋友點解唔可以講?係你唔想講?

好相信你..之前得我同佢行街0個陣佢講左好多野..突然話怕有一日做左啲對唔住我0的事...???想講啲咩...之後佢又唔知講緊啲咩...咁我就問佢...咁你鍾意我多定b小姐多?佢話我多啲....我唔知佢講真定假..我諗如果我選擇去相信佢會令自己好過啲的話....就相信佢....咁我會好過啲...

返到上水公主話唔去食糖水返屋企....我地3個等阿sam放工....細佬入左去搵阿sam....得番我同阿roy...頭先係沙田真係冇咩點同佢講過野....我同佢就傾左一陣...食完糖水..佢同阿r0y去飲酒....之後先問我攞蛋糕...俾完蛋糕佢返屋企...

1點上床訓...坐左係張床度諗野...真係忍唔住喊左出黎...個一刻只係知道自己好唔開心..忍左成日...終於可以喊出黎...喊左成半個鐘..突然電話響..係我個好姊妹apple打俾我...其實我今日成日都好想打俾佢同佢講我唔開心...但頭先搵唔到佢..佢知我係度喊緊..問我咩事...我一5一十話俾佢知....佢叫我同細佬講清楚...好.

.同佢收左線就打俾細佬..原來佢未訓...我就問佢其實想唔想同我一齊...佢就講左好大番說話...佢話識左我4年..其實一直都對我有野....又話今日同我行街個陣有諗起b小姐..佢唔想第日會將我當成佢...佢同我一齊覺得好自卑.佢話宜家咁勤力做野就係因為想將最好0既野俾我...佢唔想我同佢捱麵包...個一刻我係咁喊...好感動..冇諗過原來事實係咁....佢重有講左好多野..佢叫我俾兩個月時間佢去忘記b小姐...佢希望可以忘記佢之後..可以堂堂正正同人講佢愛0既係我唔係佢...如果佢忘記唔到...佢會以後係我面前消失...唔再見我...一路講..啲眼淚一直係咁流..冇停過咁滯...咁大個女未試過喊得咁勁...佢又問我..其實我係咪好鍾意佢...我話一直以黎我都冇諗過會鍾意佢...因為我覺得佢花心...直至到同佢拖手開始先發現原來我好鍾意佢...只係一直唔肯去面對呢個事實..佢聽完都話冇諗過我會講呢番說話...連我自己都冇諗過....佢話呢兩個月入面我同佢只係朋友..我可以如常搵佢..佢都會搵我..佢會係呢兩個月入面逼自己忘記b小姐.佢叫我相信佢..佢會做到....我相信..就算明知佢未必會做到.我都會相信....

原來發現真正愛上一個人的時候..已經係泥足深撼的時候..

遲來一秒鐘 沿途經過和結局 其實太不同
遲遲未預備 第一句愛你 已經足夠蘊釀暗湧

拖一拖 等一等 這刻的感動變做裂縫

頭先整完蛋糕..重焗緊..唔知成唔成功....今日下午食飯0個陣打俾細佬..佢話有野做..轉頭打俾我...之後都冇..今日放5:45..打俾佢...諗住買野俾佢食..佢又話做緊野...話晏啲打俾我....我由返屋企食完飯整埋蛋糕...宜家0既時間係1023分...但佢都冇打俾我...呢個時候我諗佢應該同啲朋友唱緊k....想打俾佢..但都係唔好阻住佢...原來等電話0既時間可以咁漫長...宜家先10點幾...等到12點send個信息俾佢先...

原來凡事冇絕對的....認識左4年宜家先一齊..哈..兜左一個圈..原來係身邊0個個..係我同細佬講之前我問過apple同你0既意見...佢地都話可以一試...都好呀...唔試過點知好唔好?

每一秒鐘世界上有多少人在想念著別人?有多少人在想念的時候千方百計與那人聯絡上?有多少人在等待?

沉日嬲嬲地返屋企打打下日記,細佬打俾我..唉....又點呀?佢話知道我有啲野....問我咩事...之後我同佢講番...佢話係因為一齊的話怕好多時佢做野好忙理唔到我...但我話唔緊要....咁要做野理唔到我無辦法ga..係咁ga 啦...佢問我咁想0想一齊...我話想...{咁梗係想ga啦..可以搵到個相愛0既人}....之後就一齊左...哈..唔知點解佢同我講0個番說話0既時候我幾怕佢話因為無時間理我所以唔想一齊呀....好彩唔係姐.....不過我沉晚0係電話度真係眼濕濕囉..或許我個人比較眼淺..唔知做咩事...可能我以為佢唔鍾意我啦...哈..佢唔知我眼濕濕....佢知的話肯定笑我......唔可以俾佢知...佢同我講怕阿roy知道唔知會點諗....咁又係..但我覺得須正愛一個人..應該衷心祝福佢至係......

食完飯又要即刻整蛋糕俾細佬.....如果唔係趕唔到聽日俾佢...今日返工個陣打俾佢..佢做緊野唔得閒傾..收左線...今日佢好似好忙...講真...其實佢要做野無時間理我的唔會嬲...只係唔開心就梗有啲囉...唉...算啦...少啲見都係好事黎...起碼佢會更加著緊我更加想見我....我都估唔到同佢一齊可以係事實.....重仍然覺得好似唔係真....希望呢個唔會係一瞬間的愛情故事...我諗係因為美芳話過我今年唔會有桃花運..所以好怕同細佬只係一瞬間的事...唔諗咁多喇....唔想再去諗......

好開心....聽日可以同細佬去拍拖....今次係真...唔再係假.....

沉晚同細佬傾電話....有啲野終於要開口問佢..我發覺原來我都愛上左細佬...真係唔敢相信我會愛上佢..........自從同佢手拖手咁玩之後就開始....係咪真係要手拖手先會察覺得到我對佢原來係有感覺?可能由此至終我自己都唔肯去面對我對佢0既愛..到左今日..唔到我唔去認....因為我真係愛上了...我問佢...佢又問番我....最後佢話少少囉...佢又問我...本來我想唔認...但我話少少囉...佢話其實佢都感覺到我對佢有野...聽到佢咁講..我心入面好開心.....

今日返工..收8:45..之後等細佬收工..食完飯..搭火車返上水...但全程佢都冇咩點拖住我囉...有啲忟忟地...大佬呀....我沉晚都講到明啦...唔識做..都唔知想點...係咪鍾意我ga?好煩呀...唉..頭先0係樓下真係有啲嬲囉....咩野緋聞女友...想點ga...

今日返1245-1045..企日得自己一個返..都好可以靜靜地..唔想對住0個個m小姐...宜家已經學識埋數.真係好..原來以前做麥記學0個啲都唔係話冇用...起碼宜家學野快上手啲...比其他人學得快..我話過..我要做得比其他人好.我要快啲轉full.我要調去沙田.....努力...!!!!!

唉...本身3/4話去唱k同細佬慶祝..但佢話佢老細會叫埋啲董事長0個啲去..叫我地唔好去喎...算啦...唔去咪唔去囉...咁我就唔駛咁趕住返屋企整蛋糕俾佢....咁4/4就同細佬去街慶祝..

朋友以上..戀人未滿...呢八個字正好反映我同細佬0既關係...其實同我最有緣0個個會唔會係佢呢?同佢識左咁耐...都係咁好朋友...雖然有一段時間冇咩點聯絡....我都有同自己講...細佬都唔錯呀....考慮下囉..但我覺得同佢一齊好似冇咩安全感...有一日online見到阿roy個icq...寫住..:如果佢係鍾意你..你未俾個機會佢囉..可能會有意想不到0既效果....]我都覺得奇怪點解佢會咁講....後來先知原來之前佢同細佬去左飲酒......就係同佢太過fd..知道佢啲好與唔好...所以...唉....唔理喇...宜家咁樣咪幾好.....

我已經決定del左阿sam 個icq....唔再諗...我諗之後唔會返西田..大減價就可能會返...平時都唔會...再加上大把人幫elaine...唔需要我返...同埋0個次黑仔到返工0個陣俾derek撞到我囉....都唔知佢會唔會同elaine佢地講..兩間公司有衝突ga ma...佢地知道都唔知會點....唔諗喇..!!!咩都唔諗..我愛0既係我0既工作...其他一慨不想..可能宜家有份工...少左諗其他野...拍拖對我黎講有冇都冇所謂...或許已經習慣番一個人0既生活...宜家都幾好...返工發下白日夢..咁又一日....

今日返1215-1015....其實今日都有啲想唔返...因為食完啲藥好[去力]....腳都軟埋...但返工又要企足10個鍾....都唔知返唔返好....唔返又怕俾老豆話..但係返又好[去力]喎.....沉日已經因為阿哥而俾老豆鬧埋一份...真係俾阿哥累死.....次次都係咁.....討厭!!!!算啦...都係返......!!! 唔返又冇錢...今個月都要問老豆借錢交學費...

本身今日要返工..但今日一起身把聲沙灑....所以冇返..哈哈..其實我都唔係咁想返太古0個邊...今次係有預謀地唔返的..沉日我癲到又食ice-cream又食薯片.又食朱古力又食蟹..明知傷風咳喉嚨痛都食..就係想唔返工...真係傻傻地....千祈唔可以俾老豆知...哈哈....

近排唔知點解覺得細佬又好似對我有啲野...唔知係我錯覺還是真係啦...望就望唔係啦.....希望係我估錯唔係真...如果唔係我都唔知點算...我問過你意見..你話我要諗清楚...因為佢0個啲性格同埋佢啲風流史....當然啦..如果你叫我唔好同佢一齊的話我就一定唔會同佢一齊..哈....佢開口同我講鍾意我先算啦..宜家都係懷疑姐....但佢呢排對住我的行為...變左.....又講左啲好玄妙0既野.....話佢口花..佢即刻改...佢話涼左..問我有冇著多件'三'..我話冇..佢又話即刻攞件西裝'嬲"俾我....又話凡事冇絕對..又話咩阿邊個同邊個都可以一齊....咁姐係咩意思....????冇錯...同佢一齊有拍拖0既感覺...但愛的感覺就.....冇......

有時唔係好明自己點解可以一個心容立幾個人...不過唔係細佬..而係你同阿sam...zeoy講得啱..原來我一直都係搵阿sam黎做擋箭牌..對你感覺還在..只係冇以前咁多姐....起碼宜家有意識去同你講話要收線先....沉日本應可以同你食飯...只衰都係阿敏..人放星期二佢又放星期二...你要陪佢唔可以同我食飯.....真係忟忟地....討厭....真係好憎佢....唔係因為鍾意你所以先咁...而係佢對你又唔好...啲性格又討厭...早就應該同佢分手啦...死喇..我點可以咁諗的呢?????心入面個魔鬼先生又係度作祟....哈哈...真正愛一個人就應該衷心祝福佢...而唔係要拆散人地....

今日放假,下午同公主出左上水睇電話....之後夜晚同老豆去左大埔食飯...順便出左部3g,好開心呀...終於出左新電話.....1980就出到 .....不過以後0既電話費就要自己俾....唉....算啦...係時候要自己俾番..唔可以下下都靠老豆....之後老豆重攞左隻日本空運的蟹....有名堂ga...叫阿拉斯加蟹....好正呀...好好味....聽日又要返工...返1145-2145....又要返太古...

今日一早起身去太古返工,返10:45-6:45,本身係返11:15,但沉晚唔知邊個話我要返10:45...我都覺得奇怪..太古個邊唔駛返咁早ga..不過算啦..以為係0個個編schelude編得好慢0既{所謂senior}=(係佢地啲人眼中)..所以冇出到聲...照返....

冇野格..我8點幾起身.9點出門口...10:45準時去到...點知俾我估中左....個邊個同事未返....換完制服...0係crew room呆等半個鍾囉..蝕左半個鐘俾佢囉..蝕俾佢都算..而係我山長水又遠去到先知原來唔係返10:45 囉....真係仆佢街..他媽的..即刻火都黎很埋囉.....大佬呀...我要好早起身ga...已經唔夠訓ga 啦...終於等到個同事返黎...佢好似完全唔知我會過去囉又問邊個叫我返10:45...我叉知咩...算啦...之後發現原來電話響過..又一城打黎...我打番過去...0個個m小姐同我講..:你番10:45喎..我話:係呀...返10:45ma...`坐左半個鍾添..我都已經開始唔多老黎啲語氣..佢話..:係咩,你唔係番又一城咩?我話:唔係喎,沉日有人打黎同我講叫我返1045 喎...佢話:係呀....沉日我同呀邊個講叫你返1045ma...我以為你返又一城呀...}

聽完佢咁講..眼火爆囉...陣陣粗口聲係我心入面話佢個仆街囉 ...佢冇同我say sorry 都算啦..咁講句唔好意思都有喇掛..都冇囉...重更加嬲 ..佢同我講番唔好意思我都冇咁嬲..但佢冇囉...都唔知咩人....咁冇禮貌...之前重以為係0個個senior叫我返1045..點知原來係佢囉...佢咩post 呀?佢係part time 仔黎ga...雖然聽閒佢就黎轉full姐...真係....真係... 都唔駛咁呀....宜家好憎佢囉...本應都已經好嬲..對住太古0個個同事簡直攞你命..做野又唔掂..又冇效率...重要問佢朱古力啲野俾我問到佢口啞啞囉....

我發覺呢度啲人唔知係咪嘆得滯..做野又冇效率...編份更表好似編成世都未編倒出黎...呢啲咁簡單..我都得啦.....唉...真係唔係好掂囉啲人做野...淨係今日件事都睇得出佢地啲人係毫無溝通囉..你無溝通又點做野呀....啲人又懶..沉日拍0個個同事又成日識得偷食..去食煙同打電話.成身都好大香水味.勁難頂...雖然佢做埋今個月姐..都唔駛咁呀....唔知係我對其他人要求高還是以前做麥記學返黎....攪到自己咁挑剔...

好辛苦咁捱到放工,之後即刻趕返上水飲喜酒..哈哈..又可以見到阿靚仔表哥...一去到..收到一陣陣唔知係美麗的謊言還是善意的讚賞... 老豆收到:嘩..你個女呀?好靚女喎..咁大個ga喇...}哈哈哈!!!!!老豆梗係笑到見牙唔見眼啦..啱0既..個女俾人讚..自己都有面啲啦!!!!!!!!! 之後突然間2姑媽走埋黎同我吹水...好啦..即管同佢吹2句啦....講講下阿哥啲野..突然燒埋我0個疊....問我...:你呢?幾時搵番個呀...我話:冇呀..冇拍拖呀...佢話:唔係呀ma....你咁靚女點會冇呀...(哈哈哈...唔好咁讚我啦...!!!!!!)今次真係俾佢問到我口啞啞喇...之後望左去老豆個邊..老豆就好識趣咁幫我解圍:呢啲野慢慢黎啦...!!!   都話ga啦...老豆永遠都是最好的....

今日返12:45-10:45....聽日就要去太古返11:15-6:15...好唔想去囉..咁q遠...又要9點幾出門口喎....宜家開始帶飯..可以慳番啲錢....3/4攞唔到假...要4/4先放...真煩....我諗住整蛋糕同曲奇俾細佬ga ma,....宜家都唔知有冇時間整.....就算3/4放我收早都未必趕得到啦.....不過細佬好似真係知我會整蛋糕俾佢囉....有時佢咁口花真係覺得佢幾討厭.....有次同細佬手拖手咁行mk...不過唔係拍拖..只係玩下姐..佢話怕有一日會愛上我....哈哈...但就算有一日我愛上佢都唔會開口同佢講囉....因為我係唔會揀佢...佢0既行為太過細路...哈哈...佢啲自以為是0既性格...佢有時講到我一定整蛋糕俾佢...真係忟忟地唔想整俾佢.....

今日返12:45-10:45...我諗返到屋企都成11點幾成12點囉...不過呢份工好多野記同埋好多時都要自己照顧自己..只係記朱古力都有23十款...都好0既...多野學又有挑戰性 ...咪當攞下經驗囉...唉....好掛住阿sam 添 ...唔知0係又一城有冇機會見到佢呢...呢幾日又唔見佢online .....算啦 .....事業為重.....

返到屋企隻腳真係累到唔識形容....之後同你傾左陣電話.....你話阿敏唔明白你...唉..好心你啦....0既然佢唔好就唔好同佢一齊啦 ....哈.不過都唔關我事...有一晚同zoey 玩icq...佢話我搵阿sam做擋箭牌....話我重有鍾意你..其實我都唔知重有冇...就算有都只係小小囉....

好奇怪...我發覺每當我鍾意0個個人0既時..我總係會唔記得佢個樣囉.唔知點解....你之前係咁...宜家阿sam又係咁...我只係隱約記得阿sam個側面...究竟係我小見佢地還是我真係唔記得...反而宜家你個樣又開始清晰番..哈..咁就代表我唔再鍾意你?