同搵人傾下計都咁難....打俾好姊妹...佢又諗住訓....其他呢....都訓左....唉....

宜家既我係咪0係度步緊我既好姊妹後塵.....? 

夠喇...我受夠喇...

係咪應該就咁算呢...?

好多野應該係相對至係... 

當唔相信一個人....無論佢做啲咩講啲咩..你都係會唔相信佢...

宜家先明白呢個道理...我會唔會遲左啲,......?

'無話可說'....姐係咩...?係你冇野好講...定係你唔想再講任何野...?還是唔想再講落去...?

望住個日記...都唔知打咩好...打親落去既都係唔開心既事....好似好耐都冇打過一啲開心既野落去.....

茫然+迷失.....

好唔容易咁過左今日...呢個日子我永遠都記得....

唔開心我想講你知....但到最後我都冇講出口....

你既說話已經話左俾我知.....

學agnes話....真係要疊埋心水..

想放手...但唔係好捨得......

我重視...係因為一啲原因所以我咁重視.......你既眼中可能冇左都唔係咁大不了既事....

今日約左嘟嘟佢地幾個吹水..我地個個輪住訴心聲... 工作問題..感情問題....個個都好似冇咩心機....

呢幾日係咁諗起呢一年發生既事....

將唔開心既事忘記..只記起開心既事....但係開心既事竟然係冇....

同你一齊係咪一件開心既事....?我都答唔到我自己....

我今日先發現我真係一啲都唔相信你......

可能咁樣都唔係一件壞事.....

也發現我係唔重要既....我知...我一早睇得出.....

0個日問左阿爸好唔好轉工..佢話呢一兩年都唔好轉住...算啦..留0係度啦...0個頭諗住留0係度...轉頭mgr開b 0個陣又話大老細將啲股份會賣俾個杜拜人....之前有幾間鋪摺左..宜家又話黎緊開番間....真係唔知遲啲會變成點....成日都覺得0係呢間公司真係冇咩前景.....宜家唔做..我又怕搵唔到份好既.. 

今日同阿媽佢地去拜阿婆....之前去阿公度探過佢....今日姨媽同我講原來0個日我探完阿公之後佢都唔知我係邊個...只係話我好熟口面.....我聽到0個下都呆左....佢竟然唔記得左..聽到姨媽咁講真係唔係好開心...去拜阿婆0個陣阿公坐坐下走左入去睇阿婆張相..我陪阿公入去企0係佢隔離....0個一刻我睇得出佢好掛住阿婆...我見到佢咁好想喊...因為除左佢之外...其實我地每個人都好掛住佢...自從阿婆走左之後...阿公身體又差左...宜家又老人痴呆...真係好擔心佢....

明明係你唔啱都話係我錯......要我講番sorry....哈...

我都唔知可以講啲咩.... 

你有咩唔好...?有....自私.....唔理人感受..只係識得理自己.... 

有啲野唔係唔理..而係已經唔想理....

成日都好多野煩.....宜家0係度諗應唔應該轉工好.....人大左唔係好想成日都轉黎轉去..想穩定啲....轉既話又怕越轉越差.....搵唔到好工....唔轉既話留0係度又覺得0係度hea緊....又唔係話做得好開心...啲人又,...想搵人呻.....換黎既係你話成日都講唔想聽....咁好啦.....唔該你先....唔講喇....OK?

感情....?哈..我都唔知...可以一齊幾耐呢?....總係冇咩安全感...

你既一句唔記得真係講得輕易..有冇諗過我會幾唔高興..0個頭聽完轉過頭對眼認唔住落淚..根本就係藉口.....換轉其他人都會唔鍾意都會唔開心....

如果我咁做你又會點....?

原來我都唔好得過我好姊妹幾多...

前幾晚同AGNES我地兩條友走左去吹水...佢同我講...'你憑咩會咁覺得...?佢咁問我....我真係答唔到...因為我諗唔到啲咩去覺得...我只係憑直覺...可能我諗錯左..

要搵一個對自己好既人原來係咁難既.....

今日放假....出左去睇阿公....佢宜家出左院..阿媽佢地請左個工人照顧佢...走0個陣姨媽同我講話今個月會搵日去拜阿婆....

上年既19/7/06 阿婆離開左我地..呢一年入面我好掛住佢....以前佢重0係度0個陣都唔會好似宜家咁成日都諗起佢....因為可能以前成日都見到佢....但係宜家只可以見到佢張相.....

有人話借酒可以澆愁....呢一刻我唔見得...只覺得更加愁...重酒精上腦....wingwing地0係自己張床度.....一個人飲悶酒就代表唔開心架咩....?原來係架...

從未試過飲一罐就wing....今次真係第一次...

有日放假去書局睇到本書..佢話...當你2幾歲搵唔到個好既....唔好諗住3十幾歲會搵到個好既.....

哈....真係笑死.....要搵個好既....已經搵唔番....

或者宜家都唔見得會有幾好...