今日就係浸信第一段既最後一堂體育堂,由我上果一刻開始我就林,我下學期仲會唔會係呢班出現呢,因為神父知我控制唔到呢班,同隔離班條串友又會報串,所以今期可能真係最後一堂啦,可能會出現選擇性或強制性調走......唉,我仲林緊,佢之前都同我講過下,睇下點啦......

今日總算完成任務啦,佢地都測完驗,佢地今日真係博曬命,我睇得出佢地終於肯努力啦,真係唔見棺材唔流眼淚,不過咁都好,至起碼仲肯緊張自己d成績,ok啦,大多數人都合格啦,對住佢地果陣真係唔知好嬲定好笑啦,同班入面d人開始吹得下水咁啦,d人都認得七七八八,至起碼唔會叫<邊個邊個>咁啦,but.....下學期....睇下點啦,

講反今日,最仆街就係果條班長,屌曬老母咁,真係......如果係我讀中學果陣既我,我就會即刻打七佢,雖然好激氣,但係我都唔希望佢唔合格既,同埋仲有人等住要測,所以我冇理佢繼續測,點知佢走鬼左,仆街........真係火都黎埋,仲要我跟佢d手尾,激七死我啦..........

  唔知點解,呢排成日會林起<第一次>,之後就係咁聽,係咁聽......................................................