今日我又放假啦 ~

因為瑩瑩今日生日，

所以特登買咗 d 西餅拎返公司。

公司唔夠人，阿姐講到明唔會俾我地倆個同時放，

如果唔係我今日攞咗假，

今日放假既應該係佢 ................

所以覺得自己好衰，生日都仲要人返工，

好彩瑩瑩都唔介意，

希望佢會鍾意我地為佢預備既 surprise 啦 ~

之後就出發去大澳嘞，首先由九龍塘搭火車去旺角，

然後由旺角行去奧運站，再由奧運站搭地鐵去東涌，

去到東涌再搭 11 巴士先到大澳。

冇記錯對上個次去東涌應該都係一年幾前既事，

不過呢度都冇咩點變到，係多咗個昂坪 360 ~

點解今日去大澳呢 ?

因為聽日放榜，所以我同阿欣、阿茹、小妍子、索小花，

一齊出黎玩下，relax 下 ~

搭咗一個鐘車大約點幾鐘睹我地就到大澳，

一落車就有人叫我地租船參觀海豚，

$ 20 廿分鐘，買飛個陣又話實有得睇，

點知遊咗個大澳一個圈都睇唔到，

不過遊下船河都幾舒服

之後就周圍行，周圍食。

今日天氣 GOOD 得滯，又曬又熱，

行兩步件衫都濕晒。

係個度都食咗好多野，

有烤魷魚，瀨尿蝦、麥芽糖餅、

紅豆茶菓、花生糯米糍、雞蛋仔同豆腐花 ~

好似食咗好多野咁，但其實一 d 都唔飽。

今日去買雞蛋仔既時候，不由自主咁諗咗 d 野 ...................

呢檔雞蛋仔好出名，所以我地買個陣時好多人排隊。

我見個伯伯不停係咁做，不停加蛋漿，全部都係一個人搞掂，

大汗加細汗，一句野都冇講過。

好多人都係見佢出名所以先想買黎試下，

但係我見到 d 人淨係同 d 雞蛋仔影相，

完全忽略咗個伯伯，

唔知點解見到呢一幕覺得好心酸。

伯伯咁辛苦都係想賺錢，

我覺得 d 人好似睇表演咁，點解 d 人睇唔到佢既勞力 ?

伯伯用最基本既工具整出美味既雞蛋仔，

一 d 花巧都冇，仲堅持即叫即整，

對比起我平時做野，伯伯日曬雨淋，

重要睇人面色，真係比我辛苦百倍 ..................

之後食埋豆腐花就走人，出返東涌，

礙於我地唔識路，所以都唔知有咩做。

行咗東薈城，又周圍 hea 下，商量下晚餐食咩。

最後我地決定食 pizza hut。

食完之後再去東薈城個美食廣場食刨冰 ~

然後就散 band。

今日過得好開心，成日都好離島 feel ~

世界，也可以是簡簡單單的 (嗎) ?

TODAY 'S 歌詞 :

la la la......

令人等得心焦得季節終於來到
開始騷動的風　開始動起來的街道

早晨到訪的比平常的還要早
光是這樣就令我感覺到
步伐走得更輕鬆

雖有太多令人心痛的故事
充塞在最近這段時間裡
但是可不要為了傷心
而忘記如何去享受快樂

短暫的夏天即將開始
我願與你一同創造許多的回憶
陽光一貫在閃耀
海浪不斷潮來又潮往

高樓大廈的空隙間　歪斜而尖銳的天空
過去我曾看過的天空　是無盡的遼闊廣大

心頭覆蓋著烏雲的日子裡你依然陪在我身邊
帶給我平靜的微笑
為此我要謝謝你

那並非理所當然的事情
卻可能是一種必然
的確有些必須守護的事物
這份心意我不會忘懷

短暫的夏天終將宣告結束
我願與你共同迎接這一瞬間
因為我知道　平安平凡的每一天
才是比任何東西都寶貴

短暫的夏天即將開始
我願與你一同創造許多的回憶
陽光一貫在閃耀
海浪不斷潮來又潮往

la la la.....              ( Greatful days - ayumi hamasaki )