好難得地今日終於有假放啦，

不過今日話都冇咁快就過完，

聽日又要返工啦

哈哈，我今日買咗歐陽靖隻  <ABC > 啦 ~

佢 d MV 好正呀，愛佢愛到發晒癲呀

推介條片俾大家睇下，係佢同側田 jam 歌，

睇完就知佢有幾正 ~

http://hk.youtube.com/watch?v=hhjutLhD0Wc&feature=related

全部都係即場 rap 嫁，冇夾過，

佢真係好有才華，側田都好得意 ~

唉，有太多野想做，都唔知做邊樣先好 .................

煩惱既其中一個來源係因為有太多選擇吧 !

有時如果唔洗選擇，可能仲好 ~

但係係冇能力既人先至會冇權利去選擇，

有能力既人，揀晒都得啦 ~

沒用努力換來的成功，是不會得到別人認同的吧 ?

TODAY 'S 歌詞 :

搵兩餐食 有早餐食 唔恨得太多x3
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住
我諗返起細個真係個 我一D都唔珍惜
我父母係幾咁摶 係到我大個咗先至發覺
原來佢哋咁搏根本就係為咗我 雖然我哋唔係窮到做乞兒
但係次次交租都好似爭DD 想做老闆走去開餐館
但係市道太差無辦法唔蝕本 一直無富貴華豪
足足多過十五年都係淨係得個做
或者我大個咗睇法唔同 阿媽阿爸你永遠會係我英雄

搵兩餐食 有早餐食 聽住聽住 唔恨得太多x4

呢個世界無嘢係免費 你越係想買平嘢佢D價就越貴
見親減價就笑 你話邊有咁大隻蛤乸隨街跳
買對波鞋都成千蚊你話貴唔貴丫 我唔係講緊美金我講緊港幣啊
有邊個出街唔係想著名牌 但係如果你冇嘅就算著涼鞋
你都要行出你門口做人 D物質嘅嘢根本就唔需要恨
有D嘢根本冇得勉強 我梗係有夢想 但係我想

搵兩餐食 有早餐食 聽住聽住 唔恨得太多x4

無論你賣報紙 或者係揸小巴 甚至乎喺街市賣西瓜
企檯髮型師或者先生點都好 大家都係想搵兩餐
我靠我D唱片搵兩餐 所以我勸你都係唔好買老翻
如果有得發達就梗係最好 但係有D嘢連錢都係買唔到
身體健康愛情有得發展 所以我決定我唔會發錢 寒
只要餵飽個肚 呢個世界冇乜嘢係唔可以冇

搵兩餐食 有晚餐食 唔恨得太多
搵兩餐食 有早餐食 聽住聽住 唔恨得太多x4              ( 搵兩餐 - 歐陽靖 )