一個禮拜內睇晒我兩個偶像既演唱會，飛輪海 + 濱崎步 ~

可能因為 AYU 個演唱會太正，

所以搞到我對飛輪海個演唱會有 d 失望 .............

AYU 個演唱會好完整，正到連一個廁所位都冇，

就算係 AYU 去換衫既時候，個台都依然好有震撼力。

係頭半 part  AYU 係唔會點同觀眾講野，淨係表演，

直到 encore 個 part 先會同觀眾多 d 互動。

而飛輪海就好亂，歌與歌之間完全冇關連，

嘉賓一黎，個個去晒廁所 @.@

佢地換衫時播 d 片冇人理，

而且我覺得飛輪海個演唱會都係綽頭野多，

都唔似演唱會，似音樂會多 d ...............

仲有其實我唔鐘意 d 人睇緊演唱會個時係度影相 !

我覺得咁樣好唔尊重個歌手同 d 表演者 !

AYU 個演唱會冇人會睇睇下影，

最多都係開場前 / 完場後影。

但飛輪海果個就 ............... d 閃光燈閃唔停 !

我好同意林海峰講話香港人睇演唱會好得意嫁，

明明個歌手係面前，

d 人都係會透過個自己相機個屏幕黎睇，

仲要對住部相機嗌我好鐘意你呀 !

所以我見 d 人係咁影我真係覺得好無奈 !

另外，多數演唱會完既時候，

d 歌手都會介紹下佢隊 band，

但係我覺得飛輪海講個陣都冇人理，

但 AYU 就唔同，

成場依然都會咁落力俾掌聲隊 band !

而且 AYU 唔止會介紹隊 band，

連 d dancer 都會逐一介紹。

睇飛輪海演唱會，d 人就好似淨係睇飛輪海表演。

但係睇 AYU，d 人會睇到係成 team 人係度表演緊 !

AYU 演唱會 d 人大多數都係會拎藍色棒去 fing，

因為呢個係日本既文化，當個場暗晒既時候望落去超靚 !

但飛輪海 ( 其實唔止飛輪海既，其他歌手既都係 )

就咩色都有，望落去好核突，好唔統一 !

有一篇文章係想同大家分享下，

係關於香港人看演唱會的風氣 ~

http://weblog.xanga.com/hkblog/675854749/39321282072015430475284362180926371303403908027683.html?ref=FPP

入面有個 cm 我好鐘意，

佢話 : 如果 d 人真係要坐低Q埋對手既,

不如留o係屋企睇dvd好過吧 !

不過飛輪海同 AYU 都唔可以做比較既，

兩個 fans 對象都唔同， 而且風格都唔同 ~

飛輪海個演唱會有 part 我覺得都好值得一讚，

就係 Calvin beatbox 個 part，

估唔到 Calvin beatbox 得咁正，

完全睇唔出佢係一個讀書咁叻既人 !

之後 encore 個 part 佢表演捽碟都好正，

我個人本身鐘意 d 節奏感強既野，

所以佢個 part 我成個人超 high !

可惜大東隻腳受傷，冇咗佢 solo 個 part。

希望大東快 d 好返啦 !

最後今日發生咗件唔係咁開心既事，

都係因為我，大家返屋企先會搞到咁麻煩。

我個時真係好嬲我自己點解會醒唔起呢 ?

送一首飛輪海既歌俾大家，

我好鐘意呢一首歌既歌詞 !