琴日已經 feel 到自己唔係幾舒服，

所以一早就走咗去瞓。

瞓到今日十點先醒，瞓咗差唔多十二個鐘 !

不過都好似唔係好夠咁，

個人都係「十下十下」咁。

瞓醒先知原來阿媽今日放假，

所以就同佢一齊出咗去食早餐嘞 ~

好耐都冇試過兩母女談心

食完之後就去咗自修室溫書，

原本今日有 0830 有 lab 做，

不過 miss 話我地有 test ，

於是就延遲個 lab，下個禮拜先上返。

所以今日又 day off 啦，正

去到自修室，唔知點解今日個人好心散，

係自修度坐咗兩個幾鐘就頂唔住想返屋企，

之前溫六、七個鐘都冇問題，

但今日狀態真係好差 !

返到屋企又忽冷忽熱咁，都唔知搞咩 !

我返得屋企都預咗自己唔會溫書嫁啦，

唉，又走去用電腦，用到郁都唔願郁

因為近排 down 咗美少女戰士黎睇，

睇到上晒癮，每次連睇幾集先得。

點知睇睇下，我姪女走埋黎同我講隻葵鼠瞓咗係度唔識郁。

我拿拿林去睇下咩事啦，

開頭摸落去第一下佢個身好凍，

平時摸佢都會跳會叫，

但係我今次摸落去就完全冇反應，

我仲以為佢已經死咗。

但當我抱佢出黎既時候佢又識郁 wor，

但係係好冇力咁郁 ...............

我個時都唔知應該點做，

好驚佢會死，於是就用個袋裝住佢就出街搵獸醫嘞。

但係上水我唔係好識路，

兜咗好大個圈同問咗好多人先知間獸醫診所係邊。

但係去到竟然唔醫，

因為個度唔係專醫葵鼠，係醫貓貓狗狗。

佢地叫我去大圍個一間，

不過我心諗我呢度上水出大圍成半個幾鐘，

隻葵鼠會唔會支持唔住 ?

但個時已經別冇他法，唯有搭火車趕過去。

一路上，我都好擔心，

不過見到佢仲識郁都安心 d。

過咗半個鐘，終於都去到個度，

但係點知個醫生話我聽佢已經去咗。

我知道呢個消息既時候個人即刻呆咗一呆，

明明頭先我拎住佢個陣重識郁架，點解會咁既 ?

之後個姑娘問我想點處置佢，拎返屋企 / 交俾佢地 ?

拎佢返屋企有咩用 ?

而且我都唔捨得親手處理佢，

所以就交咗俾佢地嘞，不過就要俾 $50。

知道隻葵鼠去咗之後，

我好似仲未能夠相信眼前發生既事咁，

因為一切都黎得太快 !

成個人完全進入咗恍神既狀態。

唔知點解有種唔想返屋企既感覺，

可能我怕見到個籠空蕩蕩就會好傷心。

好彩叉燒今日搵過我，

問我今日得唔得閒，去睇戲好唔好 ?

我都係送隻葵鼠去睇醫生途中先知叉燒搵過我咋，

於是就決定同叉燒去旺角睇戲。

不過因為出門口個時好倉促，

所以個身得銀包、鎖匙、iPod、電話，我仲要踢拖 tim !

搞咗一輪，終於都見到叉燒，

wow，你個頭又變咗咁多既

真係唔認得你呀 !

我地去咗睇 << 爆粗 band 友 >>，

我都係第一次踢拖睇戲咋，

感覺好 free，好似係屋企睇戲咁 ~

<< 爆粗 band 友 >> 真係超正，爆笑得黎又有 message !

多謝你呀叉燒，請我睇戲 

what life are ?

Life are LOVE & DREAM !

but do you know what is my dream ?

實現咗先話你知啦，哈哈 ~

TODAY 'S 歌詞 :

畢竟那實在太過突然
接受 談何容易

是騙人的吧 我以為
一副惡作劇的臉 對誰笑了

我應該怎麼想才好
我到底能做什麼

想必我一直以為
走路 微笑 呼吸
甚至平凡的對話
都是理所當然的

彷彿什麼也沒發生
城市今日依然繼續運轉

你會想起什麼吧
你會投射出什麼模樣

想必此刻的我
是啊 與你相較之下
我還會一直去明白 痛苦 愛 所代表的意義
在堅強與溫柔裡成長

再次想起
彷彿時時刻刻存在的理所當然
是因為 我所想起的
絕對已經不再當然

那就是你告訴我的

奇蹟會發生的                ( Life - ayumi hamasaki )