今日既天氣好正，終於都感覺到有一陣陣涼意。

咁既天氣點可以唔去戶外活動下 ?

所以我今日就去咗踩單車嘞，

仲要係同我屋企人一齊去 tim 呀 !

好難得我地屋企會有 family day，

所以我都好期待今日既活動。

今日 family day 既成員有 : 阿強哥哥、兩個姪女同我 ~

我地大約兩點鐘就去到租單車既地方，

開頭我個細姪女唔係好識踩，

係試踩既時候，制都唔煞成個撞去 d 草叢度，

好笑到連租車俾我地既人都忍唔住笑

練習咗一陣之後總算可以應付到，

所以就開始向大埔海濱公園出發 ~

點知踩到去第一個斜彎就出事 !

因為果度又彎又斜，

所以我都係禁住個煞車制慢慢落，唔敢衝落去。

因為我屋企人唔係咁識路，所以我就行第一，

踩完個斜彎之後我就停低等埋佢地啦，

但我都未停晒就已經聽到我大姪女既叫聲，

我即刻望返過去睇下發生咩事啦，

就見到我個大姪女炒車，

佢個人飛咗出黎之後仲碌咗個圈 ..................

個畫面就好似拍戲 d 場面咁，

不過就冇替身、冇特技、冇化妝，

我姪女真係受咗傷。

個時我真係好呆，又唔知應該點做，

淨係見到佢係個地度「典下典下」。

我叫我阿哥佢過黎幫手，

睇見我姪女半邊面損晒，

d 手手腳腳又擦傷咗，我個心都寒一寒。

我咁大個女都未見過 / 試過咁傷，

我諗一定好痛，而且塊面對女仔黎講係好重要，

俾我都驚第二時會唔會有疤啦 !

之後救護車黎咗，d 救護員幫佢初步消毒完之後，

就再送佢去威爾斯親王醫院，

沿途都有同 d 醫護人員傾下計，

原來佢地都幾鐘意吹水嫁 wor ，哈哈 ~

去到就一路係咁等、等、等。

等到醫生黎，醫生話驚我姪女 d 骨會有事，

所以就要佢照 X-ray。

但係照出黎既結果係見到有裂痕，要留院觀察。

之後又係等、等、等，

等到搞晒 d 手續，安置好後先去食飯。

我地由今日 3 點去到 10 點幾既時間都係係間醫院度渡過。

冇諗過今日既活動會演變成咁 !

我姪女 d 傷起碼都要成個禮拜先好。

隻手同隻腳打咗 d 石膏固定住，

塊面又超腫，尤其係個嘴 !

踩單車既殺傷力真係唔可以忽視 !

而家諗返起今日發生既野，都覺得好突然。

之前隻葵鼠又係好突然咁死咗。

而我亦突然覺得有好多野都唔到自己控制同預測。

所以 ayu 講得冇錯 :

「過去既野都已經係事實，洗咩諗咁多 ?

    將來既野又冇人知，諗黎都冇用。

    所以而家先係最重要，冇而家，又黠會有將來 ?」

我雖然明白呢句說話，但係就仲未有足夠既覺悟，

所以我而家仍然都係冇進步 ...................

但係希望有一日我會做得到 !

另外希望我姪女快 d 好返，同埋一條疤痕都冇，

最好就靚過以前 tim

之後再一齊 family day 過 !

TODAY 'S 歌詞 :

N/A