雖然我今日到天光先瞓，

但係我差唔多 0830 既時侯就起身 lu，

因為約咗 pensy 今日去自修室。

成個新年假，我就係得今日有去到自修室咋 = ="

因為而家 d 學校仲係放緊假，

所以我地都唔敢太遲去到，驚冇位。

我地係自修室會合咗之後就去食早餐 lu，

pensy 原本話去 M 記食既，

但係我覺得 M 記唔抵食，

所以就話不如去維苑食。

原來 pansy 未去過維苑食嫁 wor，

下次食早餐你知掟啦，哈哈 ~

係唔係冇介紹錯呢 ?

食飽之後就開始溫書 lu ~

太耐冇溫書啦，搞到個腦實晒。

連溫我最愛既 maths 都覺得好痛苦 !

不過估唔到會係自修室見到 faye !

佢話琴日已經見到我，我都冇為意 tim。

我地都好耐冇見 lu，不過佢都冇咩點變到 ~

我同 pensy 溫到差唔多 12 點幾既時候，

因為 pensy 要返學校補課，所以要走先。

我地諗住一齊食埋飯，佢先去補課，

但係因為個早餐太豐富既關係，

所以我地都唔係好肚餓，

pensy 係大班買咗幾個飽仔就當 lunch，

我就冇買到，因為我一 d 都唔肚餓 ~

之後 pensy 黎咗我屋企，

因為如果我屋企有留飯俾我食既時候，

咁 pensy 就會買野食上我屋企度食，

如果冇我地就會出街食。

咁今日呢 pensy 間學校就係我屋企附近既，

加上我地都唔肚餓，所以佢就上咗黎嘞。

一返到屋企，就聽到 d 人聲，

咁我就知阿嫂個 d 返咗黎嘞。

不過佢地都好似冇咩反應咁 ..................

之後我就同 pensy 入咗房，開電腦睇棒棒堂。

近排覺得棒棒堂真係幾好睇 ~

到咗點幾，pensy 就走 lu。

我就同佢一齊走，因為我都要返自修室溫書 ~

溫到大約 1800 既時候，我就走 lu，

因為要返屋企食飯。

屋企突然間又變得好熱鬧啦，

不過我就好唔慣，

琴日都係得自己一支公，

今日就咁多人，個反差太大啦 !

而且我之前執屋執到咁乾淨都冇用，

因為人一多 d 野就亂。

所以我唔係咁鐘意，

或者應該係話唔係咁習慣同咁多人住 ( 相處 )，

因為有好多野都控制唔到。

係呢個屋企裡面，我又冇權，又冇地位，

都唔知可以做得 d 咩 ....................

我真係好想去改變呀，我唔想再係度自怨自艾啦 !

please give me support coz i am so wimpish ........

TODAY 'S 歌詞 :

N / A