今日終於都開始下學期啦，

上學期可能仲因為未係好協調既關係，

所以表現唔係幾好。

下學期我要俾多 d 心機至得 !

我既目標係 ............

下學期既第一堂係普通話，返 0830。

今日淨係返呢一堂姐，仲有個 d 堂下個禮拜先有 ~

我今日好準時返到去啦，

下學期 ma，唔可以再搵藉口俾自己懶落去 !

第一次係 ive 上普通話堂，

個 miss 幾好人，上佢堂都幾開心。

我地上咗 2 個鐘堂之後就放學，

跟住同 iddy , steven , kevin 一齊去荃灣唱 k ~

點解要去荃灣咁遠唱 k ?

因為個度有得任飲野 lor，

同埋 iddy 真係好想去個間唱，

所以我地咪去 lor ~

好耐都冇去過唱 k 啦，

上次好似就係同 yiu 哥哥唱完之後就冇去過 lu。

今日開頭既狀態唔係咁好，後尾就 ok 返 d。

不過個飯基本上我都冇咩點食到，

唔知做咩冇咩胃口咁，搞到好晒野。

唱完 k 之後就散水，

原本想去見識下荃灣既機舖，

但係冇人陪我去，所以就去唔成 lu。

咁我地就各自返屋企嘞。

冇返學咁多日，有 d 唔習慣 tim >.<

明明放假個時想快 d 返學架，

但係今日返到學校又好似仲未遊完魂咁。

我個靈魂飄咗去邊呀 ?

返來呀 ! 返來呀 ! 返來呀 !

TODAY 'S 歌詞 :

N / A