琴日我下咗個目標，
要自己「每天只准用電腦一小時」，
今日係第一日實行呢個目標，
雖然今日我做到用少咗電腦，
但係就唔可以係一個鐘之內完成，
所以都係唔合格 !
岩岩開始實行呢個目標，
都仲可以有原諒自己犯錯既空間。
為咗令自己既目標可以具體咁實現，
我就參考咗我近排睇既一本書，
叫做「勤奮的人未必成功」。
我節錄一部份俾大家睇睇啦 ~
具體實現目標的「黃金」步驟 :
一、簡單地說 :「我需要很多、很多的錢」是沒有用的。
你要在心裏，確定你希望擁有的財富具體數字。
二、確確實實地決定 :
你將會付出什麼努力、
多少化價去換你所需要的成就。
三、沒有時間表，你的船永遠不會到彼岸。
所以要規定一個固定的日期，
一定要在這日期之前把你想要的錢賺到手。
四、擬定一個實現你的理想的可行性計畫，並馬上進行。
耽於幻想，而不去行動，目標就永遠是空中樓閣。
五、將以上四點清楚地寫在紙上，
不要僅僅依靠你的記憶力，
而一定要展現為白紙黑字。
六、每天兩次、大聲朗讀你的計畫，
比如在晚上睡覺以前，在早上起床之後。
而且你朗讀的時候，就想像自己已經看到、
感覺到並深信你已擁有這些成就。
雖然我自己都冇照足書上面寫既去做，
我打呢段野出黎既原因係想話俾大家知，
要實現目標，除咗要有決心之外，
計畫都係好重要 !
不過前提係你知唔知自己既目標係咩 ?
冇目標，任何野都冇可能發生，
一個人都冇可能採取任何步驟 !
「每天只准用電腦一小時」只係我既一個小目標，
而大目標都係由小目標組成既。
而我既大目標就係讀好 d 書，做好自己本份 !
打完呢篇野之後，
我覺得自己好似變咗個機械人 .....................
因為本書講既野好理性，
我愈睇落去愈覺得自己慢慢變到冇咩感情。
因為呢本書話俾我聽呢個世界係好現實，
愈睇愈令我諗野既模式都變得有 d 商科化。
我都知人生苦短，
如果我地仲晒時間係 d 小事 / 冇意義既野執著，
係唔會為自己帶黎任何好處。
但係我總係覺得真係咁諗既話，
個人好似就會變得好計較同麻木。
而家我都仲好矛盾，
究竟自己繼績做一個感性既人，成日俾人搵笨，
浪費時間係 d 唔應該浪費既事到 ;
定係下下都好計較個結果，只講效率既人 ?
究竟有冇一個平衡點 ?
唔通感情豐富既人都唔理智既 ?
理智既人係唔係都唔著重感情 ?
係唔係我仲爭 d 野未諗通 ?
who can answer me ?
|
