近排個人都病病地，

所以搞到好多野都唔想理，個人仲好易忟。

個病今日好似仲惡化咗 tim，

講多幾句野都想咳。

成個禮拜就係手軟腳軟 + 模模糊糊咁過。

其實我呢個禮拜除咗病之外，仲過得有 d 唔開心。

因為屋企既問題令我太煩 !

我份人唔到極限個時都唔會出聲既，

如果真係激到我開聲既時候代表我真係好嬲，

個時我多數會控制唔到，一次過爆晒出黎。

所以屋企有d 令我好谷氣好既野我都費事出聲，

自己吞咗去就算。

但係我個心一直都好掙扎，

我知自己咁樣處理係唔岩既，

一家人黎嫁 ma，做咩積埋咁多怨恨呢 ?

但始終避免唔到會諗 :.............

「明明自己冇錯，點解要我去就佢地 ?」

成個禮拜就係不斷咁掙扎，

因為我實在諗唔到自己可以做 d 咩去改變。

不過好多謝主耶穌今日俾咗個答案我 ~

就係因為今日同 lily & iddy 既聚會入面，

我明白到我要「相信神，要讓聖靈充滿我。」，

等基督去管理我既生命。

不過，我都仲係一個初信者，

有時對神既信心都唔係咁足夠，

所以仍然會有自我既時候 ......................

今日上網既時候，

竟然仲俾我搵到多一張我同 JIN 既合照 wor ~

第一眼望張相個時都唔知有自己係度 tim，

因為個樣好模糊同埋個位完全唔起眼

今日真係好多謝主俾咗個答案我，

令我唔洗再掙扎、迷路 ~

Thanksgiving