今日一次過派咗兩科既 test，

一科係 Health & Toxicology，

另一科係 Disease & Therapy B ( DTB )。

首先派既係 Toxicology，食完飯個堂就派嘞。

呢一科係放復活假前一日測既，

可能因為係最後一科，所以我都鬆懈咗，

冇咁俾心機溫呢一科。

carmen miss 講今次個 test 有一個人係 distinction，

8 個人係 credit，43 個人 pass 同 12 個 fail。

miss 一路講我就一路諗自己應該都係合格邊緣，

因為做 test 個陣 d 題目都唔係好識答。

miss 講完大家今次個 test 既表現之後就派卷嘞，

miss 話攞 distinction 同 credit 個 9 個同學會派先，

不過就唔跟分數派。

我仲係度諗緊自己會係 pass 定係 fail 個陣，

misss 第一個就叫既就係我個名。

個陣我真係呆咗呆，完全冇諗過我係 9 個既其中一個 >.<

仲諗係唔係有 d 咩搞錯咗 tim !

攞完份卷返埋位睇下個分數，

50 分攞 36 分，自己都真係有 d 唔可以相信

差 1.5 分就可以攞 distinction 啦，

雖然有 d 唔抵，但係攞到呢個分我已經好開心。

個人好似發緊夢咁

之後就到 DTB 嘞，

我之前都講過我對呢一科既期望都幾高。

結果份卷既成績都唔差，60 分我有 53 分。

但係我唔係咁開心 .....................

因為今次呢一科個 test 淺，好多人都好高分，

同埋我覺得自己可以再做得好 d !

4 科 test 已經派咗兩科，仲有個兩科先真正要擔心

不過今日派個兩科既成績都算係咁，

估唔到自己會有咁既進步

我諗係因為以前太懶既關係先會搞到 d 成績咁差。

今次可以有咁好既成績，我要多謝神。

因為祂俾咗好多力量我，我先可以堅持落去 !

其實，我是可以的，只要我有心、有信念 ~

TODAY 'S 歌詞 :

N / A