今日同阿凱去睇 <<天使與魔鬼>> ( Angels & Demons ) ~

呢套戲一開始上個陣已經想睇，

不過搵唔到人同我睇 >.<

得阿凱對呢套戲有興趣，

但係佢要返大陸，所以就等到今日先睇。

入場前係完全唔知電影大綱，

對呢一套電影有興趣純粹係因為佢個名，「天使興魔鬼」。

對一個有宗教信仰既人黎講，

見到天使、魔鬼呢兩個名詞會好敏感，

所以我好有興趣睇下佢會點詮釋呢兩個名詞。

以一套劇情片黎講，呢一部電影絕對值得一睇 !

電影節奏緊湊，謎團一環扣一環，加上拯救時間有限制，

令人更加期待故事下一步既發展會係點。

而且又到梵帝岡作實地拍攝，

令觀眾可以見識到梵帝岡令人驚嘆既藝術品之餘，

仲大大提高故事既真實性。

呢一套電影好睇既地方除咗劇情吸引，

講述宗教與科學之間既如何對峙與不可分離既關係外，

仲隱藏咗一樣令人值得反思既深層意義，就係人性。

人之初，性本善定係性本惡 ?

兩派各有支持既人，

所以呢個係一個唔會有結論既問題。

人點解稱呼自己為人，而唔係天使 / 魔鬼 ?

係因為人同時擁有天使同魔鬼既特質。

所以我地唔會係天使，亦唔會係魔鬼，我地係人。

我地所作既決定取決於呢兩個特質，

正所謂「一念天堂，一念地獄」。

但我地唔知自己既決定既野究竟係岩定錯，

隨著時代既轉變，錯與對既標準都會唔同，

一 d 係以前黎講係岩既事，而家可能係錯既 ;

一 d 係而家黎講係岩既事，以前可能係錯既。

例如以前既人可以三妻四妾，但係而家黎講係犯法。

有時表面看似正確既野，實際又係唔係真係正確呢 ?

戲中既代理教宗正正係一個好例子。

既然係咁，對與錯既標準係邊度呢 ?

唯有透過耶穌既「最後審判」先知答案吧。

不過個一日都唔知幾時先黎 ..............

「沒有對與不對，只有做與不做」 ( by 阿杰 )