之前因為天氣唔穩定，所以同阿鵬踩唔成單車。

雖然今日個天都陰陰地，不過我地都照約出黎踩單車 ~

可能因為天色既關係，所以有幾間單車舖都冇開。

不過都仲有一間係 $15 既租到 1800。

我地大約 1230 就出發踩，

我地今日既目的地係大美督。

係 1430 左右我地就踩到去大美督啦 ~

但途中發生咗一件小意外 ..................................

因為今日空氣都幾潮濕，所以愈踩愈悶。

我就諗住除咗件外套啦，但我又唔想停低除 bor，

所以就一路踩一路除嘞。

單手都未踩得掂就想一路踩一路除衫 ?

咁樣梗係出事啦 !

所以我就「炒」咗車 lu

我又係抵死既，懶勁咁做咩呢 ?

好彩只係一邊膝頭姐，都唔係話好嚴重。

不過因為 d 空氣太潮濕，所以 d 血比平時凝固得耐。

我受傷之後就停低休息咗一陣先再踩去大美督 ~

我地踩到去大美督就搵咗間餐聽食野，

$20 就搞掂，我覺得呢個價錢穴係好抵，

因為係大美督 d 野食價錢都有返咁上下。

唔知點解我同阿鵬今次都食得好快，

個幾字就食完，係因為個度 d 野好食定係我地肚餓呢 ?

食飽之後就去划艇 lu ~

我都係第一次去划艇咋 !

開頭驚唔知會唔會反艇，

不過後來就覺得都幾好玩丫 ~

我地划咗出 d 浮台度固定隻艇，然後就釣魚 lu。

係釣既時候我突然覺得個魚鈎好重 bor，

我以為釣到大魚啦，終是出力扯，

點知都冇用，仲差 d 俾條魚絲「界」到手 tim。

冇理由條魚會咁大力嫁 ? 唔通我鈎到舊石 ?

我叫阿鵬過黎睇下啦，

點知突然間條魚絲就鬆晒，冇俾野扯住嘞。

阿鵬話可能係蟹黎，所以先咁大力。

真係可惜，我都幾想釣隻蟹上黎睇下

我地划咗一個鐘就要還艇 lu，

因為要趕住 1800 之前還單車。

d 艇 $20 租一個鐘，我覺得都 ok 呀 !

其實一個鐘好快就過咗，

如果唔係趕住 1800 前交車，我地仲想划多陣 tim 呀 >.<

我地決定下次租成日，划返夠本 !

反正租一日都係 $ 80 之 ma ~

我地還埋艇之後都 1630 lu，

姐係話我地得個半鐘踩返去大水坑。

我地沿途 ( 除咗等紅綠燈之外 ) 停都冇停過係咁踩 !

簡直係度挑戰極限咁

最終都係 1800 之前趕到返去 ~

一落車個刻隻腳係軟晒，

行路都震下震下咁，仲有個「籮柚」超痛 = ="

不過真係幾爽既 ~

我而家訓練到左右手都可以單手踩，

雙手都有試過離開個扶手幾秒。

阿鵬今日已經挑戰成功可以雙手放開踩 lu，

希望多幾次我都可以雙手都放開踩啦 ~

還完車之後我地就諗住行去釣魚，

不過我地行過去個時見到有一個類似公園既物體，

隔離就係海，所以我地就諗住搵個入口入去入面釣魚啦 ~

點知行極都搵唔到個入口，

沿住個公園外圍行咗好耐都先發現原來個公園係未整好既，

不過我地既然一場黎到，都行咗咁耐 lor，

唔爭在行到去盡頭睇下啦，所以我地就繼續行嘞 ~

沿路都係一 d 既住宅，一個商場都冇 ...........................

行咗唔知幾耐我地終於都見到個盡頭啦，仲見到商場 tim ~

我地係這場涼咗陣冷氣又出返去個盡頭度嘞。

wow，個盡頭真係好靚 !

原來個度係烏溪沙碼頭，個邊仲有個沙灘 tim，

不過係唔游得水既沙灘。

可惜我地遲咗先行到去，唔係既話可以睇到日落就真係好正 !

面前係冇野擋住，成片天空一望無際，

係碼頭度仲可以望科學園，

可想而知有幾空礦 !

之後我地係個碼頭度釣魚，

今次個環境好過上次，超碼呢度有瓦遮頭先啦 ~

可惜我今日冇收獲

曾經有 3 次我有同隻蟹有角力，

但係都係釣唔到佢上黎 >.<

不過我都有釣過 d 垃圾上黎 @.@

個時我仲以為有蟹上釣 tim，點知原來係條毛巾

阿鵬就釣到兩條魚毛，不過都俾咗都係響個度釣魚 d 人 ~

其實阿鵬都有 2 次爭 d 釣到隻蟹上黎，

不過唔知係唔係個度 d 蟹太聰明，次次都俾佢地走甩 !

我地釣到 2200 先走，

係個度行去馬鞍山站都幾近，3 個字都唔洗 ~

如果有人對靚景有興趣既話，

個度真係一個唔錯既選擇，而且又唔係話難去。

我都幾想再去多次，不過如果有人陪我去咁就最好啦