前兩日 ( 一月六日 - 星期日 )，

阿媽冇端端打俾我同我講話佢幫上咗 one two three 個台，

仲出咗部電話俾我，咁阿媽又唔識講部機係咩型號，

淨係同我講部機有好多野玩，又話我實鍾意既。

開頭我都驚如果我唔鍾意部機既咁點算 ...............

BUT 好彩，我響七號朝早見到部機之後，

就開心得不得了，因為之前都覺得個部機唔錯，而且隻色都好靚，係紅色。

不過我都要付出 $1000 先可以擁有這部機 ，

但另外我又可以十個月唔洗文電話費，咁都抵啦，哈哈 !

here is a picture of my NEW mobile phone ( W910i ) :

部機唯一美中不足的是佢只係得二百萬像素，但我都真係好開心呀 !

以後影 D 相都可以靠自己放上網啦 !

不過我其實都係今日先開始用佢咋 ............

唔知係唔係長期唔夠瞓既關係，體力都透支了，

基本上我都唔係好記得我琴日做過 D 咩，

淨係記得朝早返完工之後我就同玲姨去行咗一陣街，

然後就同阿媽買餸 ( 因為阿媽今日放假，所以佢煮飯 )，之後我再去拎油 ( 油牆既油 )。

返到屋企先六點幾，但我真係好攰，就同阿媽講我想去瞓覺，叫佢食得飯就叫我起身食。

點知之後阿媽叫我我就求其咁應下佢，之後再瞓，一瞓就瞓到凌晨兩三點先扎醒，

之後我都冇起到身，再瞓，瞓到今日八點先起身。

好耐都未試過咁好瞓了，感覺好舒暢，超爽 !

之後一起身就勁玩部電話，仲好有效率咁入咗 114 首歌同 25 圖片落部機度，

用咗大東做 wallpaper，好開心呀 !

今日重做咗樣我呢世人都未做過既野，係咩就唔講得，因為係一 D 唔好既野。

我諗呢樣野都唔會有下一次，今次純粹係想試下做呢樣野既滋味，

我想襯我仲後生試多 D 野，就算係唔岩，係錯都好，我都想試下當吸收經驗。

忽然覺得自己好貪玩 tim ~

其實我都好出奇我居然敢做呢件事，不過唔做都做咗，我唔會後悔的，

就讓我壞一次吧，哈哈 !

今日十二點幾一點就返咗公司替工，原本今日我係返四點半既，

見得閒就走去替工嘞，因為替工又可以多搵百幾蚊。

所以我而家都真係幾攰，不過我都想打埋今日呢篇先瞓。

今晚發生咗件唔係咁開心既事 ..................

因為聰姨做錯咗野，被店長好惡，好惡咁鬧，鬧到冇人敢出聲，

冇幾耐聰姨仲暈低咗 tim，我真係估都估唔到原來聰姨身體咁弱，

真係嚇到我手足無措。

我真係估唔到店長會咁惡，其實成件事都係誤會，

我係旁邊都驚到想喊咁滯，因為個店長真係好惡。

但我同時又登聰姨好唔抵，不過我又咩都做唔到，鬼叫我最細咩，出聲都冇人聽啦 !

不過呢樣都未係最激氣，最激氣係 D 人響聰姨走咗之後重係度笑佢，

話佢俾人鬧兩句就暈，好細膽。

我真係覺得 D 人好過份 ! 但係我始終都係咩都做唔到，就咁睇住個 D 衰人係度幸災樂禍 !

聰姨仲可能因為呢件事唔做，我真係覺得好唔開心，

因為我都幾鍾意同聰姨傾計，我地都相處得幾好。

我唔想佢因為呢件事而放棄，我都知做二姐唔係咁易，好大責任，

隨時都會俾人話，揹鍋，但我覺得只要熬得過就得嫁啦 !

其實做得呢個位都預咗會俾人話，最緊要既係下次唔好再犯同樣既錯 !

其實我都好想將呢番說話講俾聰姨聽，因為我講唔出口，

始終我都唔係好識講野，尤其是要我安慰人 / 鼓勵人既時候我更加唔知講咩好 !

我突然間諗起一句野，就係「 能力愈大，責任愈大 」

唉，人大咗，世界就複雜咗，這是一件冇法逃避的事吧 !

TODAY 'S 歌詞 :

如果現在忽然消失在這裡
會不會有人找我
能不能相信人性的溫柔
一直等到被找到為止
長大成人
和當個天真的小孩
那一樣比較辛苦
別在談論這樣的問題吧
如果你想要大放異彩

在這人群熙來攘往的大街
有沒有人肯聽我傾訴
持續不斷　永無止盡的吶喊
有誰聽的到嗎

明知花開總有花落時
但是依然能一心一意接受愛情　丰姿綽約
需要多大的勇氣

長大成人
和當個天真的小孩
那一樣比較辛苦
別在談論這樣的問題吧
如果你想要大放異彩

明知花開總有花落時
但儘管遭到踐踏卻依然驕傲的挺直腰桿

回顧逝去的過往
與期待明日
那一樣比較叫人不安
別在談這樣的問題
如果你想要大放異彩                    ( Hana - ayumi hamasaki )