琴日差唔多已經耗盡 sai 我既體力咁滯，

今日返工重要返十點鐘。

瞓咗七個鐘都唔夠就要起身，

唉，夠我隻眼休息都唔夠我回復番 d energy 啦 ~

因為今日係我第一次去城大，唔係咁識路，

所以就預早咗時間去嘞。

點知原來城大真係好近又一城，直頭係正隔離。

好快我就搵到路去 lu ~

去到都真係有 d 驚，畢竟自己係第一次自食其力，

去一個完全陌生既地方，一切都係由零開始。

不過呢度 d 人都好 nice，對我好好，

亦都好肯教我野，所以呢個新環境都唔錯。

不過條返工褲又肥到阿媽都唔認得，超 ugly !

聽日一定要拎返自己褲至得 !

另外原來收銀係要著皮鞋既，不過我冇預備到，

所以第一日就著返波鞋。

開頭真係唔係咁適應到，因為有太多野唔識，

要由頭學起，搞到我好混亂。

不過之後就好 d ，

而且大家姐都逐 d 逐 d 咁俾我試下做，所以都 OK。

之後話都冇咁快就食 lunch lu ~

呢度食 lunch 好得意，要 填 form 既 .........

呢度重有樣好既就係返工時間好自由，

而且又有 $24 一個鐘。

兼且我又係新人，白紙一張，

又唔識打單，又唔識找錢，所以都冇咩野做就過一日。

但係我寧願有野做，因為我唔想俾人覺得我唔認真。

今日總算對收銀大概有一個概念，

亦有幫阿姐手試下打單，找錢 。

( 不過係阿姐一路睇住，一路話我知要點打單同找幾多錢 ，

   暫時都未可以獨當一面 .............)

但我覺得我咁樣個進度都叫做 ok。

今日我仲學識埋點上牌 tim ~

但個度又係冇咩同我差唔多年紀既人，

代溝又出現咗 ...............

不過原來仲有一個收銀既同我差唔多大既今日放咗假，

要聽日先見到佢。

咁樣都好 d，起碼唔洗咁悶。

唔係話 d 阿姐唔好，而係唔岩 channel。

呢個係我個名牌 ~

今日大致上就係咁，

暫時都覺得呢度既環境、人事、工作量等等都 ok，

而且都幾好玩丫 ( 因為覺得新鮮 ?(笑) )，所以應該都會係度長做。

不過因為今日係紅日，所以唔係好旺，

d 阿姐先得閒教我野咋。

希望我可以快 d 上手同有自己部機啦 ~

奸爸爹 ar ，YEAH !!!!!!!!!!!!!!!!!!!!!!!!!!!!!!

TODAY 'S 歌詞 :

N/A