今日好難得唔洗返工又唔洗返學，

好耐都未有真正休息過啦 !

原本 plan 好咗今日用黎溫書嫁 ma，

點知今日阿媽放假，我侄女放學後又會黎我屋企過夜，

有咁多人係屋企，真係唔慣，

因為一有人係屋企我既集中力就會變得好低，

跟住就咩都做唔到 !

所以今日一件都冇做到 plan 咗既野，

不過今日都唔算浪費咗 d 時間既 ..............

首先今朝去咗同阿媽 & 阿媽既朋友一齊飲茶，

其實都預咗我淨係去食，因為佢地既話題我都插唔到嘴。

雖然佢地講既野我冇一件係我覺得有趣既，

之不過我一 d 都唔覺得悶，而且仲學到野 tim ~

俾著以前，係呢 d 埸合，我九成都係遊魂多。

飲完茶之後就去咗行街，買咗條褲，

同阿媽行街有度好，就係買野唔洗自己俾錢

跟住就去接我侄女放學 lu ~

原本今晚同阿媽，阿強哥哥同侄女一齊食飯嫁 ma，

點知阿媽整低 d 餸就走返上大陸，

得番我我同我侄女，阿哥又未返，

我最唔識照顧人嫁 ma，就咁交低個細路俾我 ?

今日咩都做唔到已經有 d 閔嫁啦，

個侄女仲要唔聽話，唔做功課，搞到我勁谷氣 !

最後忍唔住出招先令佢乖乖咁做功課。

見佢咁聽話，而我又見肚餓想落街買野食，

咪順便帶佢落街玩下 lor ~

開頭都係諗住帶佢落街係諗住得佢開心下，

點知之後我都同佢玩理一份，

仲玩到成個細路咁係個公園度跑跑跳跳 !

玩得真係好開心，好似返番去細個咁，

果然係越簡單，越快樂 !

如果可以把呢一刻都凝住就好 lu ~

係呢個 moment，真係想講一句，

如果我有部相機就好 lu !

可惜我未有錢去買 @.@

我公司真係好過份，做咗成兩個月都未出過一次糧俾我 !

連埋今個月，我 d 糧加埋都有成 7 千幾蚊啦，

佢仲唔出糧俾我，激死 !

追 d 經理，佢地話搞緊，實會有糧出俾我，叫我放心。

我係個一刻真係極無奈，

心入面諗，其實你有冇幫我追嫁 ?

幾想一串串粗口爆出黎鬧佢地，

不過我呢個小職員又邊敢出聲話佢地丫

唯有係度發洩下啦 ~

我真係唔該佢地快 d 出糧俾我呀，

搞到我而家有好多野想買都買唔到，就黎連食飯既錢都冇啦 !

X 星星 Z 交叉 Y ...........................

聽日考中文 oral，

唔知我一緊張個腦就會一片空白兼語無倫次既毛病會唔會再犯呢 ?

究竟經過咗社會一年既洗煉之後，我有冇進步到呢 ?

聽日自有分曉 !

TODAY 'S 歌詞 :

平日我唱K歌　平日我有把鎖
還是我習慣獨個生活太耐　想你來釋放

＊一直等一種感覺　今天終於有點狂
　不想正常　心花正怒放＊

春風給我按摩　彷彿有滿天櫻花抱起我
街燈使我發光　彷彿千百串煙花慶祝我
喜歡你喜歡我

其實試過很多　其實信過因果
還是我沒有學過享受愛情　想你來揮霍

REEPAT＊

＃春風給我按摩　彷彿有滿天櫻花抱起我
　街燈使我發光　彷彿千百串煙花慶祝我
　不必想到太多　只知道你的天花也親我
　不必給我太多　請將千百紮心花送給我
　喜歡你喜歡我＃

差些遺忘了快樂　差些從此專心工作
然後似瘋也像狂的拍拖

REEPAT＃＃                                         ( 心花怒放 - 容祖兒 )