琴日係末代會生既放榜日

放榜之前訓夠,抖夠

緊張都冇第一次會考之前個晚咁犀利

朝早返到學校既禮堂

同聽講座個日見到既情況大同小異

不過係多左d家長咁解.

呢種感覺就似行刑之前既一刻

傾傾下其實都已經分左心

冇幾耐就公佈晒6A以上既人

"好勁呀你地:p"

行刑啦.

上樓梯個陣隻腳都軟軟地

覺得就黎冇力啦.

扶住樓梯吧啦咁.

很不容易先行到去班房

真係要派啦.

好快就拎到手

望到之後既感覺唔係唔開心

但我已經知道好對唔住好多位咁好老師

曹sir,ms lau,ms wong

我可以做到你地既學生係我既榮幸

我得到既唔係課本上既知識

係你地對我既關心

做到你地既學生的確係一種福份

諗左陣野差唔多要行動啦

去到禮堂等到唔知幾多點先填得表.

跟住愈黎愈多人落左黎

見多一個人,就多一個放心

跟住屋企人都黎埋

等左幾個鐘

等到MST放左榜我先捨得交表走

最唔捨得既.就係同你地講再見

我真係忍得好辛苦..

但我應承左自己放榜當日無論係點都好

點都絕對唔會係MST流一滴眼淚

最終仍然都堅持到

朋友你地真係好衰-_-!

但我卻很喜歡你們喔.

這頓午餐我過得很辛苦呢.

想著你們.我便有點兒感觸了

午餐過後就到聯招學校排隊

看到熟悉的面孔把我的心完全放下來了.

安心入去等面試

第一次等左好耐

我已經係連時間都唔知過左幾多個d人黎.

知道唔得就已經即刻準備去第二次

你地知道之後即刻衝晒埋黎幫我手

我好感動呀真係

但時間同承諾都唔容許我作出適當既反應

我反應得切既就係快d上去

成個禮堂得返幾個人係等面試

真係有d恐怖.

但有好多義工都黎同我傾下咁.

加上上到去見到張野都知道結果會係咁

快快手手搞掂埋就落去

今次我真係完全估唔到啦..

要咁多朋友老師係到等我

真係好多謝你地既支持呀

但我好唔慣做呢d角色~_~

ANYWAY, LOVE YOU ALL=)

終於走得啦

係我地準備去玩既同時

我遇到一個小學同學周圍搵緊位.

但.似乎我幫唔到佢d咩

祝佢搵到啦

我覺得我好好彩

有一班咁好既朋友陪住我

已經好幸福

我愛你們呀~朋友!!

雖然我地要分開

但相信有一日我地必定會重聚的=)

會考的確是令人學會長大的一課.