皇者之戰全馬

時間 3小時25分56秒

組別 34

總排名 65

 

賽前

- 好多uncertain, 所以唔知是否可以PB

- 早幾日Interval, 冇乜速度感, 或者係練左兩次超馬，速度弱哂

- 舊患痛痛地

 

開跑前

- 4點起身，食完早餐0445搭的士，0530去到已經人山人海

- 拉筋既時候都凍凍地，但都冇法子，要寄存後去廁所

- 冇乜便意，諗住去小解，點知冇尿出，但就急屎，仲有15分鐘左右，叫左謝夫上線先，我見排大解條隊得幾個人，搏一搏，好在0623搞掂，鬆哂。

 

開跑

- 跑去上線，企好後，條路好窄，第一公里塞人嚴重，只能以5:08開第一公里。我希望開4:53-4:55，如果可以就開4:50-4:52

- 跑完頭幾公里之後就知冇可能開到4:50-4:52，好似盡左力都係4:55左右，今日都會係硬仗一場，我啲肌肉都好硬

- 上梅子林，原來都未算係去到最盡，如果全條係重有多一條長斜的。

- 在梅子林見到超過100個人快過我，唉！唔入流。見到小K, 佢第20，堅！

- 完左梅子林叫做開始要開返正常披醒，但要保持4:53-4:55好難，諗住跟下人跑，啲人有快有慢，跟左幾個佢地目標3:30，但開咁快既，我慢慢咁過下人跟下人。

- 跑左個半鐘左右開始出太陽，唔算好熱，但好口渴。水站又一時係寶礦力一時係水，好似抽獎咁

- 去到22公里左右，有個西貢長跑會既師兄話我好快喎，問我係咪搏330，佢話佢係330，之後比佢甩開左，我同佢講，330唔使跑咁快，果時披醒應該係4:54 （4:58係3小時30分披醒），睇返相先知原來佢梅子林已經跟住我，即係跟左12公里😅

- 24公里見到同一個位都係33公里位，咁我下意識諗去到28.5公里就係折返位，點知去到就28.7咁上下，我已經諗會唔會要跑多過42.195，又或者我GPS唔得左。

- 27公里左右見到小K, 佢跌左去第38位

- 早一公里見到火車頭班的Ken, 佢好用力同堅定咁叫我加油，正！

- 回程對路牌同GPS, 爭成500米, 我手錶係30.5公里，但個牌先係30，灰到暈。諗一諗蝕500米即係跑多兩分幾鐘，計落條數係會接近3:30，頂盡3:29

- 想發力都只係最多4:48, 有時再快少少既, 但更加有時係4:54咁上下。所以我33公里見到謝夫係好愁眉苦臉。

- 35公里左右見返西貢長跑師兄，佢話佢爆爆地，試下跟我，但果時我跑順左少少開到4:45左右，佢跟我唔到。但我計數只可以頂多保到3:30，無法子，唯有追到幾多得幾多

- 關鍵係38同39公里呢一公里，呢一公里其實得500米左右，我過左39公里個牌，我錶既GPS係38.9公里，即時爆粗！

- 同時又諗如果5分披返去都可以3:27左右，但諗諗下又係一如以往，拿拿臨跑完休息好過啦，於是用返4:50左右披醒完賽。

- 謝謝朝上在終點影相，見有機追到3小時26分內，就在運動場快跑，唔錯！3小時25分56秒完賽！

 

賽後：

- 太累，拎完賽飲食水蛇春咁長，所以唔拎。拎完行李就拉筋沖涼！