大家最開心既回憶係咩呢

我最開心既回憶

對唔住

全部都係香港

其實我係呢度既生活

真係唔開心多過開心好多

...............................................................

我記憶中最開心既回憶

係以前每次小學期未考試既最後一日

因為考試前一個月都會禁電腦禁遊戲機專心讀書

而苦讀左咁耐

考完試當然開心

因為考完試除左去玩之外

老媽子例行都會帶我去食壽司既

踩單車,打波,去人屋企,又或者自己係屋企打機都一樣咁開心

而唔知點解每年小學考完試個日係一定係藍天白雲

我最享受既並唔係去玩既快樂

而係個種乜野都可以拋諸腦後

將呢個月既壓抑完全舒發出黎

乜野都唔駛諗

乜野都唔駛做

只需要好好咁玩

玩到天昏地暗

唔知點解

人大左

呢種感覺我真係再都搵唔番

因為人越大,要面對既野就越多

總覺得每解決左面前呢個問題

好快就再會有第二個難題係我面前出現

究竟

我點樣先可以搵番舊時小學個種無憂無慮既生活呢

................................................................................

 哈

又荒廢左幾個禮拜

唔好意思

因為最近真係好q多野做

又prom

又essay,又test

又要訂機票,報考試,報SAT,交學費呢樣個樣

今日先將所有野搞掂晒

呼

終於得閒

.............................................................................

暑假番香港又有得玩

真係好開心

突然之間好期待今年既暑假

之前個幾年既暑假都俾summer school呢個我人生最黑暗既時間霸佔左

唉

今年終於唔駛再讀summer school

真係好開心

不過番黎都要做野既

.......................................................................

prom

嘿嘿

打左篇野

不過較左做私人

遲d睇下點我先再post番啦

不過都可以擺張相上黎既

嘿

.................................................................

唉

日日都好忙

但係最近一諗起五月十八歲生日

生日之後就可以去考車牌

諗番起

其實自己真係等左好耐

由第一年開始

每次我等巴士等到唔耐煩既時候

我就問自己

唉,幾時先十八歲先可以去考車牌呀

以前個個禮拜都夾band

唔駛夾band就同日本仔出去食野

多數都係元氣壽司或者韓煩

食完兩條友去超市買野

雖然等巴士好煩

但係兩條友無所不談

等巴士都可以變成一個樂趣

唉

黎緊我就十八歲喇

學校大部份既fd

都今年畢業

嗯

就算我依家有架車

去街去到幾夜都得

又如何呢?

 自從係LA番黎之後

我都無俾自己休息過

一係趕功課

一係就溫SAT

再唔係就去買下日用品咁

其實今次去LA收穫真係好多

當然,唔只係行街買野物質上既收穫

仲有意念上既得著

我發覺

我以前做既野其實真係好少

其實我真係可以諗少d野,做多d野

不然令我諗起之前個日本仔roommate

佢成日都話我有好多idea,但係凈係識得講唔識得做

唉

我發覺我真係晒左好多時間

但係無辦法

個時仲細真係唔識諗野

真係唔長進

...................................................................

人越大

要顧及既野就越多

除左要學識自己照顧自己之外

仲要學識點樣同人相處

識點樣顧及人地既感受

又要學點為自己利益著想

................................................................

唔知道呢一刻係香港考緊DSE既朋友們依家係點?

我睇番以前既blog

發覺我地真係越黎越疏遠

以前一放學,大家都會on msn

我晚晚都上msn搵大家傾計

到依家連msn我都唔需要再上

甚至連msn都可以刪埋

嗯

就算偶然係fb打個招呼

其實都無言同對

我究竟打咁多野為乜呢?

呢個blog其實都已經無人睇

....................................................................

人總要學識向前看,唔可以凈係留戀過去

美國總統甘乃迪講過

those who look at the past or present are certain to miss the future

留戀過去或現在的人必定會失去未來

或者我對過去太過迷戀都未必係件好事

但係未來又有邊個知發生咩事呢

......................................................................

最後我凈係想同所有鼓勵過我支持過我既人

講聲多謝

我會繼續努力的...............

 最近去左LA玩左一個禮拜

哈

今次同上年唔同

今次食多左好多野,去多左唔同既地方

同埋感受左大學既生活

....................................................

唔知邊度聽番黎

原來好多人寫blog寫遊記寫到出晒名

但係其實寫blog都係得一個目的姐

就係記錄自己既生活

第時可以拎番出黎回味

反正我呢度都係荒廢既

都無人睇既xd

...........................................................

講番今次旅程

其實主要都係食食食食

都無乜需要去觀光

不過購物就有

行左幾個mall

買齊去prom既野呀

同埋買下d新衫

其實時間都幾唔規律

食唔定時,起身又唔定

相比起我係呢度早睡早起

番學訓教hea既生活黎比

真係差好遠

.......................................................

第一日去左好多香港人聚腳既San Gabriel

其實係呢區周街都係中文字

全部都係港式茶餐廳, cafe, 酒樓, 商場

真係好似一個細元朗咁

剪完頭髮就去左間茶餐廳食飯

真係好L多野食

唉

相比起hawaii既chinatown既茶餐廳

呢度對我黎講簡直係個天堂

想食乜落order就有

味道仲要同香港普通茶餐廳不相伯仲

呢度飲品仲可以refill

可惜我叫既係凍0茶(which佢凈係加番d紅茶)

早知我留番d檸檬慢慢篤

聽聞叫奶茶咖啡既話,係會沖杯新既俾你

唉

下次要識做鳥

我叫既雞絲蟹柳飯同凍0茶

.............................................................................................

第二日去左屋企附近既guitar center

我又有衝動想買新bass

當我行去鼓區諗住俾錢買碌鼓棍俾我最心愛既鼓佬既時候

個店員好興奮咁同我係咁講枝鼓棍點點點

其他鼓既野又點點點

我凈係回左句

我唔係打鼓架其實.....我買俾我朋友架炸

佢當堂靜左五秒

我最後話不過...我彈bass既......

我想安慰下佢架

不過我諗佢都好無癮

........................................................................................

有間餐廳必定要介紹

就係gardena既新撰組

唔係講笑

真係我人生食過最好既拉麵

佢基本上只係賣一款拉麵(大部份人都係食同一款)

佢只會問你要加咩extra配料

我地就叫左combo (一碗拉麵,一碗飯/炒飯,一個side order, 一份餃子)

唔好意思

碗麵真係太好食,食完先記得影

我另外加左一隻蛋,隻蛋半生熟,真係好好味

個d湯,又唔係麵豉,又唔係豬骨,

味道較到岩岩好,又唔怕太咸

最重要既係完全食唔到有味精

真係文字都好難形容

碗飯同個炸雞都好出色

碗飯就咁食又得

撈拉麵湯又得

.......................................................................

某日既宵夜

除左平之外無乜特別

..................................................................................

今次行左幾個商場

幾好

但係都無乜買到野

唉

唔知點解無乜購物慾..........

又或者係睇唔岩

都無點買就

心淡離場

某日行街街影相相

真係好靚仔架姐~~

...........................................................................

某日去食韓燒

我呢一刻

終於體驗到LA既餐廳同hawaii餐廳既分別

就好似呢間韓燒咁

食物好食唔在講

服務堅係一流

野食未到個陣我望到個抹抬既啊叔

起勢抹

係呢一刻

我真係好感動

我真係未見過一個小小抹抬既啊叔

可以抹到張抬咁亮咁乾凈

佢抹過既抬,彷佛擦出了一條彩虹

仲有不斷幫我地換鐵板,加水,落order既姐姐

佢真係好靚女

呢d一切一切都係咁因為競爭兩個字引起

係hawaii,基本上都無競爭咁滯

只要做到有起色,根本唔需要改進d乜野,就已經賺到笑醒時分

...................................................................

某日去 UC Irvine 

搵fd之餘又去睇下呢間學校

呢間學校雖然唔係我心目中既選擇

但係其實都唔錯

環境,治安等等都係無得彈

但係school of businese 個building真係好閃閃縮縮咁哩係校園既一角

真係好似無面見人咁

除左呢樣之外

就真係perfect

......................................................

速度感既LA

Downtown LA 

某日食既壽司

普通貨色

不過全場跳樓價2.75一碟

真係好抵

.............................................................

最後

番來lu

....................................................................

每一次既旅程

我都有所得著

就好似旅程就係我成長既一部份咁

番香港又好

去加洲又好

番大陸都好

每次我都會將我見到既野

記入腦入面

我會將自己見到人情世故記住............

其實每次打完一篇blog

我都有一種好複雜既感覺

唔覺唔覺我已經經歷左咁多野

每打多一篇

我就多一篇既感受同經歷

佢地全部都係我成長既記號

 又荒廢左個blog成個月咁滯

but i guess nobody really cares

呢排成日自己坐係度諗野

突然之間多左好多想法

好多新既思路

大學.............我諗我都應該入唔到berkeley

睇佢都唔係好收我間學校既人既

上年得十條友applied

收得一隻

唉......

前路...究竟會係點

最近個個禮拜都去elementary school度做枉sir

陪d小朋友讀書

其實我都半hea半做咁

無諗過原來d小朋友日日問個老師我今天會唔會黎

又令我諗

其實做老師都幾好....

我諗如果我真係做枉sir既話

我一定係最rock既老師

上我堂係超好玩超正

但係可惜做老師人工真係好un

............................................................

上個月既jazz band show

不過不失

大家都炒晒粉

哈哈哈

我有幾首歌係全部自己jam

不過效果又唔怕太差

耐唔耐有鬚出

都幾好

留番d好既回憶

..........................................................

呢排日日落雨

晚晚都好大風

搞到個人都無乜動力

..............................................................

某日研究腸仔奄列

本身諗住用火腿

煮開先發現無火腿-.-

算啦-.-

用腸仔都一樣姐

.............................................................................

某日水浸

日日個天都係咁

最後擺下啊保安哥自信既笑容上黎

................................................................

仲有幾天就放spring break

每年黎到呢個時候大家都好雀躍

諗起第一年既spring break係無野做

第二年表演

今年咩都無

唉

好快又五月

下年就係最後一年.........

心情真係好複雜

好想去第二度

但係又要從零開始

真係唔想長大.............................