今日同建兄去左睇家有喜事2009

我有諗過睇奇幻逆緣或火影

但無靚位所以唔睇

之前上網睇過人地d影評

大部份人話唔好睇話舊橋

但我覺得唔應該同之前個d家有喜事比較

始終故事唔同人物唔同

但最後結局個度抄返之前家有喜事d埋尾方法就有點兒無奈

又係個個結婚收場

不過總括而言都係好笑既

唔算太差

原本都諗住叫埋某人出黎一齊睇

但佢話要帶埋個男性朋友出黎

一聽到男性朋友就知咩事喇

廢事做電燈泡喇

真係見到都眼冤

所以無叫佢出黎

酋長又一定會話哂錢唔出

所以無叫酋長

東兄又獨家村

小肥同建兄又唔太熟

廢事佢地無野好傾喇

所以淨係得我同建兄去睇

睇完戲去左先達睇電話

d日本機又靚又打到中文影相又高像素個屏幕解像度又高

有dd心動想買

但母親大人多數都反對架喇

鬼叫我無做野搵錢咩

唯有屈服係母親大人既淫威之下

我有錢的話我實買

睇完電話就搭車返屋企喇

返到屋企坐左陣就要出去拜年喇

成10點幾先返到屋企

今天過得好充實耶^^