由於本人失眠的關係

而且又無所事事

所以就決定打一篇感想

其實想打好耐架喇

只係之前一直都無乜心機打

反而這一次的失眠給了我一次機會

首先要講既係朋友第一位

其實朋友第一位有幾個人都曾經係

丫玲、蘊儀、子健

但最後既第一位就係小肥喇

小肥：

其實一開學同佢無乜兩句

返學見到連招呼唔打

之後同丫玲熟左先同佢有計傾

就係咁就做左兄弟喇

讀完書我地都仲keep住日日傾電話同成日一齊吹水

同埋都會互訴心事

所以最fd一定係佢

而且佢份人都無乜野

又幾玩得

係有時自大左dd

不過大致上都算一個好人

其實第二位既人選我都諗左好耐

因為個個都差唔多

但最後都係揀左子健做第二位

子健：

一開學就一齊玩

四大名捕入面既其中一個

佢係唯一一個仲有keep住聯絡既四大名捕

其餘兩個已經無哂聯絡

而且而家都仲有約出黎玩

但例牌遲到

無乜邊次係準時的

不過佢有時都會同我傾下心事既

所以我都好信任佢

丫玲：

我同佢既關係係由一隻手機game衍生出來的

話說有一日上堂個時我同唔記得邊個傾緊計

傾傾下坐係前面既玲小姐就無喇喇擰過黎

叫我幫佢玩隻手機game幫佢過關

之後就成日一齊玩喇

我真係當正丫玲係家姐

而佢都好照顧我這個小弟弟

我地大家都有互訴心事而且互相安慰

同埋丫玲樣樣都好得

玩得、飲得、煲煙得、吹水得

簡直十項全能

蘊儀：

唔記得左幾時開始同佢fd

好似係子健同佢fd左先

之後我先癡埋去一齊fd

佢份人傻下傻下又矇下矇下

所以同佢一齊無壓力、幾舒服

而且整估佢都幾好玩、幾開心

同埋都有同佢傾心事

但每次都只是我講佢聽

佢從來都無主動講過我聽

佢問我想知d咩

佢咁樣問我法我都唔知點答佢

讀完書之後佢仲要玩失蹤

sd sms唔覆

msn有on但唔應機

打比佢無人聽

都唔知佢發生咩事

之後佢終於肯應人喇

但問佢咩事佢又話唔想講

個刻真係好心淡

甚至係度諗

到底佢有無當過我係朋友？

到底佢係唔係我所認識的蘊儀？

之後就決定順其自然

繼續做朋友

但我諗

我地既關係已經出現裂痕

已經不可能好似以前一樣

就打住咁多先

其他人物下次再續

敬請期待

由於本人的記憶力不太好

如以上一切和現實不符

敬請各位見諒