今日小學聚會   好多好多人返,  雖然自己班d同學少 但係都見到好多識既人, 仲有,  我最想見果幾個好朋友都返左黎呀!!   詩琪,    璧玉,    詠恆    都有返!!@@ 真係太開心   雖然佢地遲到, 等左好耐,   但係都冇咩所謂   一見呢, 就認得啦, 雖然6年冇見.  大家個樣都冇咩變 詠恆之前見過, 今次見, 佢大隻左, 又高左... 幾羨慕佢ga   我地4個一見面就勁講笑,  勁講以前d野 講到哈哈大笑,     吵到人XD.. 不過冇咩所謂啦   之後又去左同人拍照,   (相就過兩日有得睇) 仲有見返d以前好fd 但係冇聯絡既人, 都開心既     當然最開心係見到佢地三個我好好既朋友 開心到,  原來我要去做義工,  我都決定唔去 決定左同佢地三個去唱k..... 唱到5點幾, 就走lu   唱K中途發生左d野, 令我幾無奈   我當然唔係嬲佢地啦 我唔會嬲, 冇理由嬲, 亦都唔識嬲  佢地 佢地係我既好朋友黎既   我同佢地咁多年, 其實都知大家性格ga la 以前都做到好朋友,   更何況而家大個左更加識諗?   我會覺得, 朋友之間關係好唔好,   已經唔係講大家常唔常見 我相信我地會係一世既朋友   可能又因為瘋狂左成日, 有點累,    所以靜了,    但絕對不是嬲佢地     佢地一定會明白既...           怎樣也好,    原以為是很難過很傷心的一天 很開心就過了     見到大家真係太好啦!@!