今日放工上左石公玩陣波
之後就落通洲街踢天鷹
由於人多關係又要哂錢搭的士落去喇
今日世其帶左佢個細佬出黎
諗番下都唔經唔覺有成年幾兩年未見過佢喇
之後7-9pm對深水埔discuss
對方實力唔強不過亦唔見得我地有咩勁
今場波我地真係得個猜字同埋贏左個控球時間
呢種方式已經係我以前夢寐以求既form黎喇
到左今時今日我已經唔鍾意喇
不過教主同我講話今日贏幾多球都無用
要練自己所以先係咁猜姐
今日好開心同教主兩個既配合做得唔錯
今日教主同我係咁彈one two牙
平時既教主最多做一兩次
但今日竟然做 n 咁多次
無可口非教主依然傳波既準繩仍然一絕
我不斷為佢走位都係值得既
今日既比數都無十球到
不過我地已經唔會理會個比數
因為今日學識左玩短波
平時係天鷹係學長波既
所以今日特別深刻
四節波入面世其因為天意既關係所以只係踢左最後果節
不過佢已經入左兩球
希望佢會繼續努力
而浩賢就一直都處於高水準演出
踢完之後傾左陣波我地就要搭的士趕番去石硤尾喇
今晚係大坑東團年
係明豪食飯開左兩圍
我地有 7 個去左食
有我,家豪仔,浩賢,鮑仔,雷達,蕭豬,蕭銘
個個都食得好飽
不過我就發覺左我有 d 小朋友好似無咩禮貌
真失禮~
食完之後11點幾喇都
之後各自返家了

ps : 認知及了解和團後,我想再增添前鋒球員,有意加盟和團做前鋒既人仕歡迎聯絡我...