今日放工上左石公
上到去無人鬥波
我地自己練波
今日好正~
6:00pm-9:00pm都無人book場
我地自己足足練3個鐘
鮑仔比我睇到佢勤奮既一面
其實都好積極...
之後9:30pm家豪仔佢地同彭學高踢
嘩...唔睇過你都唔知家豪仔有幾勁
家豪仔打中場可以heah哂全場
總之勁啦...
踢完之後番屋企 lu...

ps : 見到班兄弟咁比心機練波 , 自動自覺唔洗人叫...好甜~

今日放工約左細佬係老地方等
之後一齊上石公
上到去即刻對面果隊已經叫我地開波
之後我地同佢地踢
今日我唔攻波
慢慢踢慢慢猜
因為呢幾日我真係幾累下...
之後鮑仔謙仔上埋黎
比佢地踢多陣人地就夠鐘喇
7:00pm之後我地坐左係場邊
我講左 d 野咁啦...
之後落偉智見到大坑西
所以走番上石公練波算
上到去佢地真係全部去練波
無一個偷懶!!
當然你地可以選擇唔練啦...我真的沒打緊...
一練就練到9:00pm

今日放工返左深水埗食飯
差唔多食完謙仔黎到
之後一齊番我屋企換衫
之後約左7:45pm偉智練波
今日有我,家豪仔,迪仔,浩賢同埋謙仔5個...
一去到偉智見到火麒麟同香島鬥緊波
我地就係場邊猜下波啦...
之後佢地無踢喇
我地就出左場練波...
練到9:00pm即刻上石公踢天鷹
上面雷達同蕭豬已經到左
但天鷹只得阿邦同阿行黎左...
哈哈,,,可以話除左阿行全部都係和團既人...
不過唔夠人踢得六個
所以又要用埋家豪仔喇
今晚場波係天鷹對紅日
但係教主都病埋
唯有好似係和團咁踢...(um...根本同和團一樣)
所以最後結果都係贏
踢得好爽
浩賢比 d 波我愈來愈鍾意
前場家豪仔竟然可以踢得咁好
有助攻,有入波,又可以同我連續one two
哈哈真係好想快 d 等家豪仔再大 d 啊
仲有5個月,,,
只要等多 5 個月定豪仔就同鋒仔當年入和團時個年幾一樣喇
到時就係另一個標準既開始
好期待啊~
踢完之後雙方都好重視友誼
大家發揮出良好既友好關係
之後傾計傾到11:30pm
之後去7-11飲野番屋企 lu...

ps : 我今日自己計過,,,原來我地都有4-5個高速球員...

今日放工無波踢喇
因為落雨了
好耐都無試過落得咁大雨喇
係沙田自己一個行左陣
之後就搭車番屋企 lu
家豪仔係屋企等緊我
番到去坐陣之後沖涼
但覺得 d 時間過得好慢......
真係發覺唔踢波自己會好悶
所以我叫左謙仔過黎我屋企陪我
佢8:00pm過左黎我屋企
仲幫我同家豪仔買埋飯上黎tim^^
謙仔上左黎我覺得 d 生活同之前好似
好開心可以返番以前

ps : 其實呢,,,雖然我唔踢波會好悶,,,不過如果果日唔踢波既話...有邊個仲會打黎呢?? 所以有時唔見你地都係好既...對得你地多都有 d 悶...

今日係我同家豪仔既每月例假
又係細佬既生日哈哈
之後蕭豬都打比我
原來佢都無返到學
下午蕭豬黎左我屋企
我地玩左陣之後就訓著哂lu
不過一訓著蕭豬阿媽又打黎
之後我又訓著佢阿媽又係咁打黎
唉!!放假想休息下都唔得
我下之一定熄電話!!!
之後5:00pm上左石公
同阿叔紅牛一齊踢陣波先
對一班銘賢仔同埋崔俊佢地
哈哈踢得好開心啊
之後7:00pm和團A對大坑西
大坑西陣容強大
精兵盡出!!
可見佢地對今場賽事既重要性睇得有幾高?!?!
但係我好似記得我係同佢講我出家豪仔果 d 嫁 wo
哈哈咁即係證明左佢地唔想輸比班細路啦
好在我都唔差
我可以係好短時間入面叫好多A隊既球員上黎石公
今日我地贏15比2
我諗佢地會對呢倨失球數字感到很新鮮 lo
因為我相信佢地未試過輸得咁痛快 lo
原來我以前無論幫你大坑西點盡力踢好伕7一場波都係無用嫁
只要我今天離開左大坑西
哈哈我就知道咩叫人性真面目喇
不過放心啦
我今日贏唔係因為我地後生
我地係用你地成日掛係口邊既猜波黎贏你地既
依定結果一出
事實勝於雄辯
請唔好再強充自己想當年了
你地口沒遮攔令到我地後輩好睇唔起你地 lo
你地既無大將之風,,,
亦無師表之範...
我覺得我地會鄙視你地 lo
今日毛毛踢得好好好好好好好出色
繼續努力!!

今日一早8:15am蕭豬兄弟就到左我屋企
之後8:30pm就落左去樓下出發前往花墟
一落到去就見到我既好兄弟----謙仔
之後我地一齊行過去花墟 lu
今日係我代表天鷹教報既第一次盃賽
今日第一隊對手係靈豐
我地不過不失贏3比0
我踢得唔錯哈哈
之後就一齊過左新發食lunch
食完之後就去左迪仔屋企
之後再過蕭豬屋企...
訓左陣起身2:00pm喇
又要過番去花墟踢
不過今次對手係全香港業餘界其中一支實力超強既球隊----拉法加
我自問我一定會出盡力去踢
無奈始終對方每一個球員既護球能力好強
我地最終不敵而 8 強止步
不過我地並無灰心
因為我覺得每一次落敗總有得著既
之後我地就一齊過李鄭屋踢和團友賽
教主都有去睇
贏14比0
毛毛進步左好多
識得走位好鍾意佢
之後踢完返屋企 lu...

今日做左人生一大步
我大個仔喇~
我決定唔再局死自己~
我要做番一 d 我自己真係開心既野
我要做自己鍾意做既野!!
今朝一早9:30am我就約左(他)係多彩門口等
我去到見到(他)真係企係多彩門口等我
唔會話我約係多彩等就走左去7-11等lo
起碼(他)懂得何謂尊重lo
我地來不及來了一個相隔多時既擁抱
之後我地就搭86C入馬鞍山租單車喇
沿途係架巴士度傾左好多計
唔知點解傾既每一句我都好開心
果種開心係發自內心,,,
好甜嫁果種感覺...
雖然我地無見好耐
但係一見面傾既野係完全唔會有任何既介締既
好順暢好舒服...
之後我地10:30pm租左單車之後我地就踩入大埔喇
我地踩得好慢好慢...
因為我地一路踩就一路傾
從未有試過呢種感覺
以前同佢地踩...
根本無呢種感覺
以前只會各自各踩...
好似要鬥快咁...
從未有人諗過我係有幾咁孤獨...
但係今日就唔同呢...
終於搵到我既快樂...
之後我地入到大埔就去左吉野家食lunch...
我地係吉野家影左 d 相
我地真係好襯...
我同過好多人食過好多次飯
不過我相信無一次能夠比得上今次既feel
因為真係有得食又有得傾
大家互有話題而唔係次次要我出聲先...
各位兄弟同和團既老友...
知唔知點解我依家好少同你地食飯啊
因為我好唔鍾意同你地食飯時無話題啊
我忍不住了喇...
同你地食飯真係得個食字嫁咋...
我覺得咁只會浪費金錢去做一 d 無謂野
所以,,,對唔住啊...
講番之後做過既野...
我地食完之後就踩番出去喇...
一樣一路踩一路傾...
唔知點解我地之間既話題係永沒間斷過既...
可能我地真係有好多野好想一次過同對方吐哂出來...
哈哈哈...我真係過得好開心啊...
好想將時間停留住...
2:30pm我地踩到番去還車 lu...
之後搭番巴士返出去石硤尾...
三點幾我地終於要分開喇...
真係好唔捨得...
因為我唔知要幾時先可以再同(他)約出黎玩過
我地落左巴士之後都忍不住要來多一個滿淚盈匡的goodbye擁抱.........
之後我就要趕過去偉智喇...
同佢地踢波丫ma...
對香島...
今日踢到好多我鍾意既波...
我可以係咁不停放直線比鮑仔
家豪仔愈來愈勁...
之後家豪仔換左德仔
都夾得好正...
踢完之後5:00pm有人book左場...
所以我地上石公...
上到去又見到(他)...
我忍不住又走了過去說了一聲hi...
我太按捺不住喇...
之後一樣有人book左場...
我地係場邊練下波玩下咁啦...
不過我淨係見到張凱迪係全程坐係場邊...
我無野好同佢講
因為我覺得出得黎球場就要做番一 d 球場上應該做既野...
盡番一個和團球員應做既事!!!(我好認真咁講)
我唔想失去佢...
請佢自覺!!!
我唔係好接受一個和團球員成日請假
何況係一個兄弟成日唔出現?!?!
唔該記住咩叫兄弟咩叫球員!!!
我話你知係有分別嫁!!!
要我尊重你唔該你先尊重下我!!!
之後7:00pm我地過左長沙灣踢天鷹
天鷹竟然搵左benz佢地踢...
仲搵埋長沙灣果班地膽踢
不過我地當然係贏
但係雙方都踢得好和平同好開心
係比賽前夕一個好好既熱身賽
聽日天鷹就要踢比賽喇
係我加盟天鷹以黎第一個盃賽!!!
好期待啊~
講起天鷹...
我真係好開心嫁
因為我可以係天鷹度奠定到我既地位
我做得到係因為我既性格同我一直唔變既堅持!!!!!!
到左今天我成功喇...
你地做得到嗎??
我話你地...
你地每一個都得~
只不過係你地會唔會做姐!!
信我啦...
要做既一定得嫁!!!
踢完天鷹之後同教主傾左陣計之後就同 d 兄弟去左匯發食飯
唔係我話去嫁...
係佢地話要食所以我先去食咋...
食完之後11:00pm走人喇...
返到屋企就第一時間打呢一篇我認為最值得打既日記
其實都唔應該叫日記
其實呢 d 所謂日記根本就係用黎發表自己內心世界既感受
發表自己一 d 平時想講但講唔出口既事!!!
今日我曾經過得好開心好開心唔會忘記既一個早上......
多謝~

今日放工上左石公
不過有人book左場
落左偉智見到鋒仔同佢班九工對志鵬佢地
我地又跟隊玩陣
之後7:00pm石硤尾元老對葵涌醫院
葵涌醫院唔夠人搵左我地幫手踢
鮑仔,迪仔,浩賢3個係最後果節踢得超強!!
迪仔比人讚~
拿,,,信我既結果
一直堅持所得到既收成!!
當然呢個只係一個開始~
繼續努力啊~
踢完之後練波練到熄燈

今日放工上左石公
同死鬈毛個班踢
一出場家豪仔同鮑仔兩個正人衰仔
夾埋著件adidas雞翼袖
好啦,,,無我份喇...
之後踢波
佢地唔夠我地踢就一定嫁喇
我地踢得好過隱
踢到7:00pm我地落偉智喇
偉智有三隊踢緊
好正啊...
我地贏哂
不過用左好多氣力
因為今日無後防
鮑仔要打右閘
前面係家豪仔夾蕭銘
不過我地都贏哂算係咁啦
開心既係有好多隊跟
之後自己人猜左陣波就返屋企lu...

今日係我親細佬生日
放工搭車出深水埗
買左個生日蛋糕
之後去左豬仔食飯
今日叫好多野食
食得好飽...
食完之後切蛋糕
好開心...
好耐無試過咁開心食餐飯喇...
食完之後番屋企
好快就訓著喇
一訓就訓到第二朝...