| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 8 月 14 日 星期一  |
有無搞錯?!?!  |
分類: 未分類 |
今日放工去左石公練波...一去到見到香島同埋一隊中西區唔知U十幾...我地踢左陣就得番香島同我地踢喇...踢到7點幾大家收工喇...之後坐低傾下計...今日有我,浩賢,鮑仔,家豪仔,肥誠,銘仔,蕭豬兄弟,傅子兄弟同埋毛毛兩公婆...練下波玩下波就到9點幾...突然發覺唔見左2個人...由佢地啦......成日發脾氣,,,邊個頂得你順啊??錫您您唔知姐...無咩想同您講...之後我地一齊落去飲豆漿個度食dinner...鮑仔都有去...食到10:35pm走人...
ps : 我唔會因為有隊員飲酒而踢佢走嫁...我只會踢 一d踢波無腦,做人無成就,個格又乞人憎既人走ga咋...成個低B哩咁,,,同你講野都覺得自己幼稚左d...傻仔~
|
| 2006 年 8 月 13 日 星期日 |
強橫的和團  |
分類: 未分類 |
今日超開心,超滿足...!!!今日和團超強勁既龐大陣容,,,比人一種強隊應有具備既素質...今日一早比蕭豬嘈醒...佢兩兄弟要過黎剪髮,,,不過我好累,同埋浩賢傑仔都未起身,,,所以廢事剪喇,,,之後11:30pm我同浩賢出左去買飯食之後再等埋廸仔阿邦4個一齊入柴灣踢天鷹...奪命1-3pm,,,熱到我走去打keeper算...今日送左n咁多隻光蛋比對手...哈哈,,,之後出番去石公...鬥左陣波,,,我打右閘,,,鮑仔,奧雲,傑仔做攻擊對一班波...我地踢得好好,,,無輸過...之後人地攞場...又係d唔識踢波既人搞搞震...麻q煩......之後6:30pm我地大舉進軍李鄭屋...今日我地每一個球員都無諗過對手會勁唔勁...我地只係諗一陣場波點樣可以將自己做到最好...因為,,,今日係和團兩名舊將回巢...佢兩個就係毛毛同傑仔...佢兩個都係90年既好前鋒...亦係我鍾意夾既高速前鋒!!!加上佢兩個以前係和團既日子都唔少...所以佢地要踢到和團絕對唔難...不過話雖如此,,,我地今時今日既和團亦比以前強...亦唔係一般人可以容易領略得到既...第一節,,,我用左和團最常用既強陣...我,鮑仔,奧雲3個打攻擊,,,全仔,阿邦,廸仔3個防守,加埋文道打keeper...我地表現出好強既壓迫感!!全場圍攻對手,,,唔比機會對手進攻...之後第二節就用左昔日既和團陣...有我,毛毛,傑仔3個做攻擊,,,全仔,浩賢,billy 3個做防守,,,老練打keeper...表現都唔錯,,,傑仔同我做番我地2個以前既夾法...都好順,,,有兩球直線...毛毛就好比心機夾,,,都踢得唔錯,,,不過禁波可能離開和團耐左疏於練習令到有d生疏...記住練番好佢...第三節我地出左一個前所未有既攻擊陣...雷達打keeper,阿邦同我打2個後,,,之後前面用4個攻擊天2鮑仔,奧雲,毛毛,傑仔......入好多波...第四節係踢得最好既一節...我,鮑仔,廸仔3個做攻擊,,,全仔,浩賢,billy打防守...蕭豬打keeper...哈哈,,,我地呢節贏最多球...夾得最岩和團個要求...可以由keeper開始計,,,傳四腳高質素既波就搞掂一球...好難忘...好正個feel...踢完呢場波,,,對手都好服,,,不過呢樣都係其次...最重要既係我地每一位球員都好可以踢出信心,,,能夠證明到比任何人睇佢地係得既...今日場波每一位球員都做好自己位置...好!!!之後踢完去左西九食飯傾計...之後返home~夜晚11:30pm鮑仔好開心打左電話比我同我傾波傾左差唔多一粒鐘...大家好多共識,,,最重要係我同佢都好開心好滿意今日...^^ |
| 2006 年 8 月 12 日 星期六 |
大贏家  |
分類: 未分類 |
今日係一日好值得紀念既日子......因為今日可以同一班昔日既兄弟聚番埋一齊...一齊傾計...甜在心頭......今日10:00pm走左身...無耐就開車落去大角咀拎和團鞋...之後就番去石公,,,不過我就改戕佢地係7-11等......之後1:00pm去到長記...和團team b 對 飛鷹...贏4-1...嘉誠唔舒服...唉......之後中間加左一場表演賽比我地...哈哈,,,我出左去5min,,,已經可以通左3個坑渠...入左2個波...哈哈~之後嘉誠最近都係頂唔順,,,最近都係call車去醫院...我陪左佢去...唉,,,佢老豆老母都唔知做咩既...都好似唔理個仔咁既...!!!令人氣憤啊...,,,之後我搭的士返石公...等team b玩左陣波之後到我地出去玩左陣...對香島...對佢地我諗遲d要出full team 先有得同佢地踢喇......5:00pm到和團U90對石青聯U90...今日場波有四個前和團team c既隊友...大家實力都好接近,,,第一節我地贏3比1,,,不過第二節到我地輸番0比3...之後大家互有攻守...最後我地險勝10比9,,,不過我地今日呢場波我地將勝負放得唔重要...最重要係踢一場接近既比賽姐...踢完之後毛毛無跟到石青聯落去5人場...而係過左黎我地度坐低傾計...之後傑仔黎埋...我地就落5人場踢喇...我地人腳就唔洗諗喇,,,真係好強嫁...以前我同傑仔2個已經可以係5人場踢贏好多隊...不過今日我地有埋鮑仔...你話我地可以踢成點......哈哈~雖然我今日真係好刻意同傑仔夾波,,,不過可以講既係,,,只要有心夾,,,只要係同一目標既,,,夾邊個都一樣...之後仔傑話番黎喇,,,我好開心......之後一齊去左食野...佢仲過埋黎訓tim...
ps to 我最鍚既兄弟 : 唔好諗我做緊咩,,,我向你保證,,,我絕對唔會對你食言既!!!我講過既野係唔會反口...信我...... |
| 2006 年 8 月 11 日 星期五 |
和團family day  |
分類: 未分類 |
今日放工去左石公踢波,,,放工行到落樓下鮑仔打黎叫我快d番去...因為有隊鬥...一去到石公絛耐我就出左場踢喇,,,之後家豪仔就同人地撞身位...對面個白痴仔話家豪仔茅wo...之後又到鮑仔比人話茅...之後好快到我...我唔忍啦今日...最後逼我出強d既陣...炒到佢地聲都唔聲...有時想亂講野都要睇下對住咩人先啦白痴仔...(第二個就dup佢嫁喇!!) 7點大坑西拎場前我地同半隊大坑西踢左3個字到啦,,,贏到開巷...之後我地係場訪傾計,,,無耐又一齊練波...練到9點!!今日我地約好左去食扒...我地又浩浩蕩蕩咁9個人一齊行落去新發食...哈哈...好有感觸既一間餐廳......食得好開心,有傾有講...11:30pm走人...正~ |
2006 年 8 月 10 日 星期四  |
| 重返成長地 |
分類: 未分類 |
今日放工去左石公踢波...一去到就見到d kai子book左場,,,仲要book 6點,,,我頂你個肺!!今日毛毛終於返黎和團喇...今日毛毛同我地一齊練波...我地最後決定左落花墟踢!!當重返花墟既一刻...我已經無哂咩既感覺...因為,,,全個花墟,,,除左球場管理員之外,,,根本已經無人再記得我...無人再會記得我曾經在花墟既種種經歷......確實係有點心酸既,,,不過在所難免既...之後同左一班後生仔係2號場鬥波...成個場得我地2班...因為一號場有人有場紙...極好玩,超爽......踢副8:00pm我地又再次返回石公...上到去無人踢波...班傻仔走左個籃球場打籃球...蕭豬兄弟就2個練波...我同鮑仔,毛毛3個就傾左好耐計...多數都係傾波嫁喇...之後落左7-11飲野吹水...吹到11點3走人...
ps : 鮑仔瘦左好多... |
| 2006 年 8 月 9 日 星期三 |
| 成功之道...... |
分類: 未分類 |
今日放工去左石公踢波......去到見到佢地同班BB踢波...哈哈,,,我地就係出面同佢地傾計...之後一生中最愛同埋丫喬黎左...7點鐘大坑西book左場...我地就決定闖出長沙灣玩番日...出到去有3隊跟隊...唔計我地...我地今日踢得幾好,,,雖然有失到波,,,不過總算學到野...踢大場有踢大場既需求!!!我地絕對唔可以只係踢偉智街呢d細場...今日我打中場都好滿意...鮑仔同廸仔就做我既前鋒...今日佢地其實已經踢得好好,,,仲有佢地走位真係唔差...仲愈來愈有進步tim...鮑仔把握高d,,,而廸仔走位就幾叻...至於今日既後防線...我都好耐未有試過同佢地夾lu...左右二閘好勤力...軒仔喬仔果然係一貫作風丫下...哈哈,,,而浩賢就不過不失啦...比波我夠膽左好多...今日整體黎講踢得滿意啦...不過,,,我地要成功,,,就要懂得檢討...清楚知道自己既成敗之處...之後踢到9點有人book場,傾番場波傾到10點之後番屋企喇...
ps : 見到你地肯聽肯改...你地既一個點頭,一個應允...足以令到我感到好滿足...起碼我可以感到你地係一個有上進條件既人黎既!!!呢d就係成功之道...兄弟們...努力啊!!! |
| 2006 年 8 月 8 日 星期二 |
| 孤單中顫抖,我知我實在難受...... |
分類: 未分類 |
今日一早起身去左銀行搞野...遲左一個鐘返工,,,哈~放工去左石公踢波...一去到就見到我最錫既兄弟><"猜左陣波之後就鬥左陣波喇...今日原來係大坑東,,,不過今日無人通知我有...我好嬲!!我咩都唔想講!!佢地一攞場,,,我就即刻走落五人場...好兄弟啊希望你下次顧埋我既感受與我同步啦...之後後落左五人場踢,,,今日贏到UCC,,,不過就唔夠五人場個班踢...我地人腳唔算差嫁,,,不過佢地戚第一次同我係五人場度夾,,,哈哈......唔緊要啦,,,我落左五人場踢之後,,,雖然踢到好累,,,不過我可以忘記左大坑東d唔開心既事...之後去左食糖水...
ps : 我永永遠遠都唔會違反我既誓言!!!我話過我係唔會忘本既...我做人一定會飲水思源!!!由此至終我從沒有放棄過幫大坑東!!估唔到既係你地今日終於有用不著我之時!!我今日係度同所有人講,,,我唔會因為咁而無波踢既!!! |
| 2006 年 8 月 7 日 星期一 |
......  |
分類: 未分類 |
今日我要返工,鮑仔廸仔2個做和團代領隊,,,幫我帶隊B隊去樂富踢友賽...我feel到佢地好開心...之後6:00pm我到石公搵佢地,,,佢地個個都面露笑容...好開心似的...之後我同浩賢,廸仔,家豪仔,肥蕭兩兄弟同埋德仔分 2 部的士落新公踢天鷹...今日好夾,,,個個都踢得好好,,,教主又教左我好多野...我真係好開心~
ps : 今日要讚幾個人啦...鮑仔----比心機幫我手(和團事務),,,廸仔----踢波進步程度理想,唔好放棄,,,浩賢----今日咇得好夠信心!! |
| 2006 年 8 月 6 日 星期日 |
| 不言敗,正是我... |
分類: 未分類 |
今日好想訓晏 d ,,,不過最後都比人嘈醒左...12點幾浩賢過左黎...之後我就hea下hea下...想訓多陣又訓唔到...最後都到左2:45pm...之後我地3個行去整波衫...之後就上左石公...上到去都好開心...之後跟隊等左好耐好耐,,,終於輪到我地喇...我地一出到去就做左大贏家,,,令到原本要45pm先next 1 隊既節奏比我地改變為3min 1 隊,,,哈哈,,,我地好認真咁踢...踢得真係好pro...我地踢得好開心...今日奧雲仔踢既位置前左好多,,,我踢得舒服左好多...而我同佢同埋鮑仔3個今日亦正因如此,,,我地夾得好勁,,,可以令我回味到唔停得...哈哈~當然夾得好唔係淨止得我地 3 個既能力啦,,,仲有我地後面 4 個好球員...依家每日不斷進步既廸仔愈來愈踢得好,,,令到我會放心比佢做我既正選翼衛...而佢正正係一個我所需要配合既翼衛...而浩賢今日亦踢得好好,,,從我鬧少左佢既角度睇,,,都可以知道佢已經愈來愈知道我需要既野同埋佢自己需要既野...好開心見到佢地有咁既進步...好安慰~!!之後6:30pm我地大軍進攻長沙灣...因為我地要踢super-x盃,,,今日既對手好串,,,不過佢地真係唔好彩喇,,,我地和團最鍾意就係對呢 d 對手嫁喇...佢硬我地仲硬!!加上今日我地每個球員都好落力!!90年既後防線令到今日我地不失一球而回~前面 3 個攻擊球員亦交足功課,,,我作為領隊企係場邊,,,見到自己隊波踢得咁好,,,真係十分安慰...踢完之後我地去左西九食dinner...好開心...10:30am番到home~正~
ps : 今日見到廸仔既成功,,,呢d係佢自己用時間,用努力換番黎既!!!佢一年前既堅持,,,今日終於有所收成!!佢自由值得開心同埋驕傲,,,我亦好感安慰......另外,,,奧雲仔今日既位置令到我地夾得更好更順,,,係前場更能發揮佢自己有既底子從而幫助球隊係進攻體系上更順暢...鮑仔今日能夠係石公做到我同佢協定既野...好夾...GOOD~ |
| 2006 年 8 月 5 日 星期六 |
| 和團遊樂日...極滿足,,,極難忘...... |
分類: 未分類 |
今朝一早我就比鮑仔家豪仔嘈醒左...之後8:15am我地3個就落左去M記食早餐,,,之後浩賢打黎話佢都黎...之後食到8:50am我地就行去多彩集合喇,,,一去到已經好齊人...只爭丫榮,,,我地等佢走左 2 班車...=.=" 最後差唔多9:30am先黎到...我地最後都終於上到車喇...係部車度真係過隱,,,又係成班狂笑浩賢...雷達同銘仔 2 個死仔次次都走去搞浩賢...哈哈,,,不過又真係幾好笑既...係部車度丫廸同我影左幾張相...我地到租車度喇...我地今日有14人去...陣容好龐...不過本應仲有3-4個甩左底=.="不過唔緊要啦...我地一出發就向著大尾篤進發...今日我地有team b 既小隊員一齊去...佢地當然唔可以踩得好快啦...不過我地都會就埋佢地既...^^我地到左大尾篤,,,好舒服,,,影左好多相...好靚...之後個個都話肚餓,,,我地就出番去大埔個間M記...出去既途中,,,鮑仔同我兩個踩最後,,,一路踩一路傾,,,好好傾,,,好開心...之後到左M記...食得好開心,,,之後竟然見到白田同我地踢波個班wo...哈哈,,,香港真係好細,,,咁都可以撞到既^^之後我地食多陣就開車啟程番去喇...番到去,,,浩賢向我挑機,,,話要片車入多轉烏溪沙...參加成員有 6 個,,,有我,浩賢,鮑仔,廸仔,雷達,銘仔...好爽丫,,,因為成日都未開過快車...^^我地去到果個石灘之後休息左一陣,,,影左幅相,,,好有feel丫張相...之後我地又要啟程番去交車喇...一番到去,,,見到另外個 d 玩緊4輪車...楊太真係好好人...不過班死仔就玩得太癲...之後我地終於都走喇...搭番86C巴士番石硤尾拎衫再去游水...係巴士度又係傾計...傾左好多比較嚴肅既野!!!希望有人會明白我地和團需要既野係咩啦...之後番到去各自以極速返屋企拎衫游水...7:15pm再度係明星集合,,,我地有10個去游...,,,去左李鄭屋游...去到廸仔最慘...佢本手冊唔比人承認...所以佢要用$19入場...哈哈,,,激到佢扎扎跳...之後我地全部都入哂場喇,,,哈哈,,,超凍丫 d 水,,,我唔敢落水...之後都係落左...落左水都唔係好凍姐...今日係我同佢地游水咁多次之中最玩得既一次...好開心...不過我始終唔識游水係爭 d ...不過都玩得好開心...9:45pm番入去沖涼換衫...之後我地既節目仲未完既...我地即刻分 2 部的士落旺角新發食扒...9個人每人一個扒餐...好正...食左好耐,,,好飽...傾左好耐計...12:30pm先走人...哈哈~
ps : 今日過左一日好開心既一日,,,一班人一齊玩係好開心既...做人最緊要開心...^^我愛你地丫...^^
|
|
