因為坐早上八時的港龍飛機到沙巴, 所以這次我們為了晚起床

決定還是花費點打的去, 不過還是差點趕不上, 剛CHECK IN就要跑去過關

人家開始登機我們是剛好趕到......好險!!!!

港龍的飛機餐麻麻

飛機好準時, 呆左二個多小時後, 終於見到沙巴啦......個海好清呀......^^

沙巴機場算細，入境後我地在MayBank唱錢先（在出境後商場中間－黃色招牌），之前聽網友說個Rate唔錯，不過我覺得唔係囉。

頭三日入住平酒店, 之前都知有可能無窗, 房算整潔, 都預計可能隔音唔好, 不過就無想過差成咁, 每次開水洗澡就有類似打椿聲出現, 都唔緊要啦, 點知有人會每朝四五點起身洗澡先得架, 第一次真係嚇醒既。

Unpack好後，開始找local tour, 第一間是contact excellent XX, 溫生給的價錢較貴，我地想去Kiulu River(地點近些，平Ｄ，適合初哥），佢就一直建議我玩比較遠的Padas River（後來問perfect holiday, 他們又說Padas關了因發生車禍，都唔知點 @_@）, 另外溘生又好似唔太想我參加個美人魚島體驗潛水咁，所以最後決定參加perfect holiday。

午餐去了味雅對面的天天餐廳

海南雞我覺得在大陸吃的比較有雞味，不過天天既都好滑

喇沙好有味，海鮮好新鮮

XO芥蘭仔都幾好味，口感在香港吃不到

第一次喝到桔仔冰就在天天，好好味呀。。好消暑呀

第一個景點係水上回教堂

回程起初找不到車，於是過了回教堂對面的海邊拍照，點知見到沙巴地標＂敦馬士達化大廈＂

站回旋處近回教寺的位，見到回KK的旅遊巴，司機見我地就知遊客，所以一直叫我地上車，有冷氣價錢又平。。正（車費：RM1/per head)

之後在商場逛下。。

逛累就在Wisma Merdeka這家Cafe小休，Cake好似擺左好耐甘，杯茶就幾得意，杯包好大個，哈哈

之後再逛W.S.時，見有家找換店好多人，於是上前看看，發現個Rate係暫時見最高既

回酒店休息一陣，就到對面海邊有民族舞看的不夜天吃海鮮，結果幾後悔下。

奶油蝦應該炸過下，肉就幾爽，可惜唔太入味

椰青好大－味好清，而且酸酸地。。ＯＫ啦

薑蔥炒蟹－蟹新鮮，不過唔入味

馬拉盞炒樹仔菜－唔錯，而且在香港無吃過

鼓汁蒸鮑魚－完全唔得，好似吃緊香口膠

炒駱駝肉－炒得太熟，肉好難咬開

辣味炒某種蜆－嘩。。我只吃了一口就停了，味道OK，只是我地吃唔慣呢種蜆類

因為這次主要是來relax，所以早早吃完就回酒店休息，明早可以精精神神出去玩。