今天去威院做OSCAR

小熊子說會陪我卻遲到, 又唔聽電話

真係比佢激死

去到醫院, 好彩FINAL只係遲左5分鐘

姑娘講解左一輪就開始抽血

之後等照超聲波時

醫院阿嬸叫我要行下, 因為怕BB太舒服位置不好就照唔到

剛巧有個孕婦搭訕說她走左好耐都重未得

嘩......甘真係要行下啦.....

在超聲波房, 醫生說小B子睡既位置唔太好

於是係甘在我肚上un.....阿b就比佢攪到跳跳下甘

聽到阿b心跳, 覺得好得意.....所以我係甘笑.....

當然醫生登時要我唔準笑

再見到阿b對腳下面有條野, 醫生話估係男仔喎

不過阿b甘細, 條野會唔會大條左d呢......無可能喎

check左之後就等出報告

姑娘話報告中各方面都無問題

唯獨個" 愛德華氐症" 指數風險好高,有 1:48

唔係嘛...........甘即係咩.......

心裡無咩知覺.........但坐車回程時眼哭已經跳左出來

之後在公司廁所斷斷續續甘哭左半小時

其實我真係明白唔一定會有事, 只係機會率較高傘

不過我又真係控制唔到情緒

在網上看過所謂愛德華症是什麼

原來有85%等不到出生便死亡

就算有幸出世, 亦會在2周至1歲左右夭折

原因係先天有嚴重身體機能問題

特別係心臟及呼吸問題

所以坊間會比較少聽到呢個症

真係........唔知可以點感受

之前有左小b都唔太大感覺

但原來感情已經存在

會盡快做抽絨毛細胞檢查

希望bb無事.........