之前一直都無時間, 現在終於又可以繼續寫埋呢個旅程啦...

話說已經來到第八日, 呢日都重係在威尼斯, 早上6時多就比隔壁既一家大小嘈醒

於是我地又起身啦, 今日第一個行程係遊船, 票價唔平都幾多人架, 不過就算方便囉....

去到廣場落船, 見到好多人在餵白鴿, 我地又作狀影相, 哈哈

 昨日因為太晚到, 所以聖馬可長方形教堂關左, 唯有今朝先去, 不過又係好多人, 要排隊入去啦...幾金碧輝煌, 不過呢幾日見太多

感覺唔係好深....之後走去海邊High Tea....

再來又上船去對面河既大哉聖喬治教堂, 內裡有 "最後的晚餐"等名畫, 於是又去八下囉....今次少左好多人, 可能內裡比起其他教堂真係無咩野看

小熊子無聊地在教堂前扮飛

之後我地又上船回程, 是但落之後發現左一家PIZZA店賣的PIZZA超大, 又去試下...

然後返到酒店附近, 不過今次就逛另一邊既路, 原來好條路好長架......一路.重好多攤擋, 有D似市集, 貨品有d是來至大陸架, 不過就貴好多囉......

四處逛逛下...天色已晚, 前面重有好多路, 不過唔逛啦, 回程返酒店附近, 是但去左一家餐廳食野......味道都ok啦...

差不多時間, 我地係時間走人啦, 今次選擇坐夜車去巴黎, 哈哈....慳一晚房錢, 不過原來係要付出代價既, 我地住既係6人床位(原本想住2人房, 不過full曬) , 剛開始時小熊子都好開心v曬架, 但過左一晚時間就變形啦, 首先火車聲好嘈, d人上落車又嘈, 零晨2點多重有個黑人上車後不停玩踢門, 好在睡在我們中層既韓國男人勁, 走左去話佢, 甘佢先停左

睡睡醒醒甘終於到左巴黎, 早上打算去擦牙....雖然廁所都可以接受既, 不過都係算啦.......而下車時又係事故不斷, 首先因為太逼, 其中韓國仔個大行理唔小心打到鬼仔, 攪到他好嬲....sorry都無反應, 之後發現小熊子暈車呀, 個人謝左甘, 但趕住落車....唯有忍下啦....可能火車不停搖佢在下格就辛苦d

雖然有問題出現, 不過都係個難得既體驗