今日好突然地想起左我既宗教信仰..
我覺得自己真係一個懶惰既基督徒..
懶得去靈修..懶得去祈禱..懶得返教會..
懶得參與所有關於基督耶穌既一切..
咁樣..我都仲稱得上為基督徒嗎.?
有時會反問自己耶穌真係存在嫁嗎?
定抑或係一位歷史人物..
無可否認..佢係一位真神..
但自己就係懶得去接觸..懶得去存心感激..
但奈何..自己往往遇到問題..
就去搵神..依靠神..
但係平白無事..自己係唔會去搵神..
我知道咁做係唔得..但係自己就真係好懶..
懶得同神講多幾句野..
縱使真係搵神..祈祈下禱都可以訓著左..
真係覺得自己好唔尊重自己既神..
真係覺得自己係到浪費緊神既愛..
但自己就真係好懶..懶到嚇得死人..
其實我自己都好驚..好驚自己咁懶..
神仲會唔會愛我..?接受我..?寬恕我..?
返查經既時候..其他朋友都提醒要睇住自己盤數..
第二時要同神交代..我真係好驚..
因為我覺得自己已經係負數..好驚自己交唔到數..
又好驚自己第二時入唔到天國..得唔到永生..
自己真係一個貪心怕死既人..又自私既人..
有陣時見到團友咁努力去為神奉獻..
諗返轉頭..自己究竟為神做過D咩..?
可以話係無..我只會自己顧自己..
有陣時真係會好熱衷返教會..
但都係三分鐘熱度..過左一排..
自己就好似漏氣公仔咁..洩左條氣加推動力..
要人地踢一踢..先識郁..
其實我知道自己咁做係唔得..
因為自己既信仰唔應該由其他人去推動..
如果自己無心既話..其他人點推都唔會郁..
其實我有陣時會覺得信神..就好似守行為咁..
呢樣唔做得..個樣唔做得..
我真係覺得如果自己既宗教信仰係咁..我令願唔信..
但我知道真實既信仰..係從心而發..
唔係從行為而發..但係比人話得多..
就覺得宗教好似真係要從行為而發咁..
搞到自己好似比野捆綁住..
呢樣唔做得..個樣又唔做得..
我真係覺得咁樣好辛苦..
其實非基督徒都會咁樣標籤基督徒..
覺得真正既基督徒行為係要好好..唔會做壞事..
唔會做一D事去破壞自己係基督徒既形象..
其實信仰只會令一個人從心而發..
真係由個心去信..去改變..唔到由行為去改變..
但係我到依家都唔覺得自己可以做到呢一點..
小小野都可以影響到我..令到我去遺忘神..
遺忘自己仲係一個基督徒..
有時比人標籤左真係覺得自己係到守緊行為..
我承認自己唔係一個虔誠既基督徒..
我都知道自己好爛口..成日講粗口..
但其實有冇諗過就算一個虔誠既基督徒遇到自己好嬲既野既時候..
都會表現得好激動..好氣憤..
我承認自己時時刻刻都好激動..
我都知道自己要去改..但係我都需要時間..
比人打壓既時候..真係覺得好down..好唔開心..
難道就唔可以比一d時間我嗎..?
我發覺自己依家好似係向人交代..而唔係向神交代..
由幾時開始自己既信仰會變左質?
有時仲會諗自己做錯左咁多野..
神仲會去原諒我嗎.?仲會接納我嗎.?
其實自己面對神既時候都會覺得好慚愧..
一直以黎..神都係咁愛我..比機會我..
只係我自己冇珍惜過..將神拒諸門外..
到依家..神仍然會接納我.?愛我嗎.?
|
