有限的時間做有限的事

曾經有過想唔寫日記ge念頭
點解呢
因為我覺得冇乜好寫
一來我份人比較悶冇咩好寫
二來寫黎都冇人會理
何況自己又唔會有咩大道理大智慧可以講
已經唔記得幾時聽到電台
話時下年青人喜歡係blog到寫自己ge感覺
係lor
點解呢
我自己曾幾何時都係喜歡將一d平時唔會講ge野寫係到
我諗過點解
可能係我自己想有人知道我ge感覺
但係好可能有好多人知道我心裡想甚麼
我份人真係咁簡單?

突然間心血來潮諗起
岩岩過去ge2年努力
為ge只係係8月9日收到ge一張紙
有人為左10條a
有人為左攞張full cert
有人為左向自己家人
有人唔知考黎為乜
我就係d咁ge人
一張紙
8個英文字母
abcdefu
有人因為呢張紙高興
有人因為呢張紙傷心
有人因為呢張紙瘋狂
有人因為呢張紙放棄
歸根究底
點解呢個社會只係為張咁ge紙呢
係社會原地踏步
定抑或係社會ge悲哀?

會考完左已經有差唔多一個星期
上個星期二我仲係到埋頭苦幹
為a.maths而煩惱
時間已經不多了
那時的我還可以多做甚麼呢
有時我會想回頭
究竟呢次會考我溫得夠唔夠呢?
究竟我出盡百份之一百ge能力未呢?
究竟我在唔在意呢次會考呢?
究竟我係咩心態呢?
事實我自己好清楚
成功與否
宜家仲未可以下結論
但結果係唔係我預期咁樣
亦都唔係我決定

剩下ge時間唔多了
我要努力d向目標出發