今日真係無奈
一朝早就想嘔, 唔食野都可以撐到2:00鐘放學走人
有d佩服自己既耐力
跟住又食少少野就飽... (最近有d唔想食野)

明明1:30放學, 但高sir話有野同我地講, 要我地留低等佢
等等等, 佢明明話佢最遲5分鐘到, 10分鐘就走得
我地留到2:00至見到佢個影
佢竟然同我地講唔記得留左我地...真激氣
搞到我對住alan比既果3粒金莎流哂口水, 忍住唔食既勁...
佢一句"對唔住, 唔記得"再一個60度彎要道歉就.......><'算啦
最後就話"今日留左你地咁耐唔好意思, 本來要搞既野天日再算啦, 你地可以走"
個半個鐘白等, 又唔搞埋佢....唉.......又要呀譚, bobo陪我一齊餓..sor 呢

天日有4堂都係講英文.....慘死lu...
不過教物理既何sir睇落唔錯, 幾好人...
7, 8堂都係度笑...^^

仲未適應到返學既休息時間..
晚晚都過左12點至訓到....慘死
今日又有d胃痛....冇食早餐..
唉~而且放學果陣高sir仲要係度講講
他佢媽的, 一講就遲左8個字放...
都唔知人地幾肚餓..><

天日正式上堂....至少要飲兩啖水...
但係我真係唔慣早上食野..
一日兩餐已經係我身體既極限.....一係早餐, 一係午餐..., 一定要晚餐
嗚....真慘, 胃痛都慣左..(咁好似又衰左d..)
今日仲係坐係禮堂聽佢講左個幾鐘
課室又係坐風口位
人地個個都話冇咩問題唔洗掉
我都唔好意思出聱....可憐

開學的今...冇咩特別
一切如常...
只係懶慣左....又唔想動
高sir叫我地寫個唔知咩比佢喎..
我都唔記得係咩@@
一陣又要問人...煩呀
不過有野比我寫又唔錯呀
^^

呵呵
今日又好無賴咁上左bobo屋企...
仲大模大樣訓係佢張床上面睇書
幾好幾好

而日返學...冇咩感覺...
而家預感冇咩....
天日就唔知啦......

呀哈~終於返到黎啦....雖然時間有d趕^^
呢幾日係大陸好悶......不過行左好多街....
又剪左個頭....(有d怪)

1, 次次出街都有好多男人望住我... (有d滿足到女性既虛榮)
2, 係屋企成日比2歲既表弟抽水... (但佢好可愛)
3, 買左好多野, 又食左好多野... (而家有d驚肥)
4, 個頭有d唔慣, 奇奇怪怪...明明諗住剪短頭髮, 點知個髮型師話
"剪咁多? 你唔心痛咩, 你d頭髮咁靚我都唔捨得剪咁多..."
(呵呵佢把口好甜, 個樣都好型^^ 所以只係剪到膊頭...)

整體上都唔錯啦....呵呵
好掛住d fd呀...