好正呀今日....今日我同呀譚去左miss謝果個fashion展覽
係沙田果邊.....本來我地冇報名, 去既話要自己比錢
但係有一個冇黎, 可以頂佢位, 而且果d人又話可以計埋NP2C既學生...所以又唔洗錢^^

哈哈, 果度d衫真係好靚, 果d皇室貴族人員d衫正度...
身材又好度...令人羨慕...但係又好得好唔岩比例同...好恐怖
佢地唔會窒息死既咩....條腰收到緊要人....都冇事!?

不過....d晚裝...靚到好令人..流口水
有幾件我都好鐘意...好高貴, 好華麗, 好端莊, 好成熟><
勁正....真係好靚呀~~~~~~~~~~~~(>0<)

對我黎講, 去bobo屋企...好似仲難過登天
因為果度一落雨就有好多蟑螂行黎行去
每一次都可以構成一幅壯觀的 蟑螂遊樂場 圖
對於有小強恐懼症既我黎講
仲激過由天堂跳落黎...
所以...今日明明係我要去bobo屋企拎書睇
都變左bobo拎落黎...佢仲話 "我行落果陣都見到有蟑螂屍"
好采...我估到會咁, 所以打死都唔會落雨/ 雨後去bobo屋企...
不過我都冇諗過佢會咁好, 真係肯拎落黎比我
如果佢唔肯, 我都諗左其他辦法
1, 寄比我 (雖然只係對面樓)
2, 係窗口果度扔 殺蟲水, 雨靴, 保護衣比我.... (但如果接唔到一樣慘)
3, 叫bobo落黎接我上去, 再送返我落樓, 幫我開路 (但又好似好無謂)
4, 係窗口扔本書比我 (太厚啦, 接唔到, 點比返本書人, 接到都可能扔暈左)

唉~本小姐一世英明都要為隻蟑螂咁煩...
冇計, 我就係驚 ┐(╯v╰)''┌

今日突然間好想畫畫, 同寫野...
但係同時發現...原來我個筆袋漏左係學校
個天日真係識開玩笑..
而家都唔知點好...

唉

3分卷唔合格....

中文~
 閱讀: 52.5
 寫作: 69 (唔計果d咩幾多%, 只係單純的加埋3個分的話)
 聆聽: 11/20
英文~
 GE: 45/99
 list: 35/85
 dict: 80
 comp: 59
數學~
 一: 64
 二: 26/40
中史~51
ERP~7/17
電腦~32/45
通識~32/60
科學~64
地理~72

英文..我簡直想死~
我同得最多時間, 最多精神, 最多心機去溫既一科
偏偏係最差, D分最樣衰, 唯一唔合格既一科
我他X的頂你個X
好唔甘心, 雖然yellow b呢科仲低過我, 但係好唔甘心
一收到個分, 真係好想喊
有幾時差d喊左出黎, 但面子問題...死都要忍住
為左呢科, 我科科都冇溫過...但係偏偏..........頂!

好采其他科都如我所願, 合格, 但唔要高
我放棄咁咁多分...希望可以同bobo佢地一班啦....
但係偏偏.....點解個個都話有好多科唔合梧, 想死呀...eg. joanna, 呀譚
我咁努力拉低分, 竟然同我講 "我有....科唔合格呀~~~"
我傷心, 真係好想喊, 但如果可以同佢地一班
抵~

今日終於考完試啦....可以放幾日假~

今日中午落雨...勁大, 好采我今日一時興起
十年難得一次咁帶遮返學^^
bobo, 呀譚又冇等我自己走先=3=
今日真係好無奈
甩褲 : 咦? 你有帶遮呀? 我話你聽丫...我同alan好熟嫁, 其他佢係我契仔黎 
(呢個係度扮靚仔..對我黎講佢個樣...冇用)
jeo : 喂, 我同你講, alan同我係兄弟黎既, 同佢熟到不得了, 所以, 喂, 攞把遮黎啦 
(呢個係度扮惡, 想凶我? 不如一齊出去行兩個圈, 到時睇下邊個凶d~衰得過我有遮)
而且佢兩個, 下下用alan黎嚇我, 咁叻又唔見佢地問alan借~

今日同bobo, 呀譚佢地傾下暑期做咩好, 有幾個..
1, 踩單車~ (唔識, 要學)
2, 游水~ (唔識, 不過只係想玩水)
3, 行山放風箏~ (之前應承左joanna)
4, 整野食~ (之前應承左靜雯, 唔知佢仲記唔記得)
5, 偷侈地跟miss謝既團, 睇fashion展覽~ (原來bobo都去)