21/10/2010
CAFE 同芬慶祝生日
發現大個左,反而好想好似以前細路仔咁玩..
講真,知道可以同一大班朋友仔玩..
個心真係想快快完成自己ge工作,立即走去一齊玩
可能食左藥,係咁呆:p SORRY!
如果冇食,應該會玩得癲:)
希望大家GE友誼唔會變^^
22/10/2010
琴日CAFE漏左個暖壺,但呢樣野都可以擔心左咁耐..
我係咪傻?
其實E+去到邊都好似搵唔到呢份安全感..
每樣野都好驚,每樣野都好新...
仲有2個星期試用..成日係度諗,幾時會比人炒左?
老闆個個都咁叻,自己好似冇D作用咁...
大頭蝦到極...左耳入右耳出...
講完可以唔記得,有時仲好似聽唔到人講野咁...
點算??好驚!!!
對自己完全冇信心,夠竟我叻D咩???
努力學習可以改變?會唔會覺得多左我,仲忙左??
其實好想聰明D..認真D...
每個人都好有方向,好理性...好想求救!!!我條路點行?
放學買到盆栽...好搞笑..
我想問果盆咩黎BUT店員以為我買...
我呢D3心2意....諗唔到買咩,點知店員同我包起左--""唔買都唔得啦.
好彩$10...D花未開,唔知開左會係點呢??D色好唔好呢?
等到佢開花我仲可唔可以留係呢間公司度呢?好多未知數....
之後就係失而復得,搵返暖壺:)
THX ting幫我打去問...本來成日都話搵唔到.....
最後自己打去,反而話搵到,可以直接上去拎:)
親力親為?
夜晚好不甘心地被人迫左上去行好長果條奪命樓梯=口=""
不過算啦~當做運動
講真..以前我行會停左係度,慢慢咁行..
BUT今次冇..好快就行完左.
今晚食左個麵包+橙+湯+藥..
食左藥好似咩都唔想食咁...
BUT個腸唔太舒服,因為冇食飯?
|
