時間過左咁耐，人地根本都唔放在眼內

我都唔知自己點解會咁，好唔開心

我心理係咪平衡唔到

除左佢一個之外，好難再上心識第二個？

我好攰，思想都係，停唔到

點解唔可以容納我？可唔可以唔好掉低我一人

或者根本冇比自己放棄過

所以先會痛

我諗我地唔係同類人所以我先愛得辛苦

冇諗過計數，付出幾多成得到咩結果

只不過我愛既，唔似我咁愛

感受亦都唔同,很累

放棄係咁簡單？

 正常返左新工一星期啦

果然係辛苦，一來自己病，二來學新野，三黎休息左一排

對上一份工處理唔到人事上既問題，工作量應付到

今次就工作量多過人事

頂硬上啦，除非人炒

因為始終大公司學既野都多，又獨立一個duty

以前就係接人地duty好辛苦，而家唔洗啦

呢樣做錯比人鬧都抵過受屈既感覺

離開左3個月，皮膚好返哂，胃都係，我諗上份工太趕急我受唔住

其實我係咪咁唔值得，要考慮咁多野？

應該係問自己做緊咩？