top25%咩叫炒左?

對dawn來講，89/100叫炒左，對d好想攞top ten percent既人，79/100叫炒左，對我地呢d為求升到想入既班，69/100可以叫炒左，其實標準係59/100先叫炒左。

結果一派卷就個個都話自已炒晒，80幾又係炒，50幾又係炒。

昌好似今次幾認真，睇來佢都幾想入番top10%

top20%對我來講已經好夠，夠入自已想入既班。

其實top25%已經好大機會入到。

咁跟住係公開試有番咁上下就會入大學，跟據往績，我地學校既人入大學既大約有90%(f.7)------再加埋d升唔到原校又升到大學既(起碼30幾個)，都已經差唔多半form(100人到)

所以top25%已經入硬大學咁滯。

反正見工都係睇大學張沙紙，所以依家既成績多數係對自已既一種肯定。

自從有呢種諗法開始，就hea左好多。

其實咁又岩唔岩?

d人成日話點解你唔當讀書係打機咁.....

我覺得既原因:

．打機可以用老金同外掛

．冇乜人會俾壓力你，輸左可以來過，唔似公開試咁一次定生死

．圖像化係吸引過文字好多，將巨商同江湖比較下就明

．打機通常係一分耕耘一分收獲，即係你打左幾多怪，攞左幾多經，就會升幾多lv。但係讀書唔係，你溫到幾熟，都有機會唔識or錯大意。

其實有冇道理我唔知，但係我咁同阿媽講果陣，佢即立扯開話題。

今日打波打到6點半，勁high!!!

好耐未試過~~~

聽日又要練300人大匯演...煩...

我覺得今年既校慶有係好差，話三十個節目...祈禱都係節目.....

係唔係叫程序會好d呢?

就算係三十個程序，其實都好夾硬來......又冇新意，同5年前幾乎係一樣。

又係so long farewell做ending...

連衫都同5年前一樣....

 可以既我一定唔會去。

何太講d野就來同校長有得fight

佢果d真係老兜來

佢呢排最常講既兩句就係

「我都係想搞下氣氛啫」同「見你地個個都差唔多訓著，咁就可以令你精神d la」

講開老師

蔡蔡真係好慘

佢今日差d喊出來

我地嘈到呢.......

如果真係好似何太咁講，分男女坐....

一定冇乜人會聽書。

一定嘈過依家勁多。

無lala唔知點解個ie會變左ie7

好唔慣。

好似想病

咳加頸暈

希望冇事

我仲要打波ga!!!