今日係我自番工以嚟 做得最舒服ge一日

番工前落起雨上嚟 搞到我要兜商場番去 結果俾d人海阻一阻 遲咗一個字番

超驚一陣拎飯果陣 之前嘈過我咁遲先食飯個娟主任係度

換完衫出嚟 實遲開工嫁喇 見到娟姐 不過佢冇省我 仲勁好人問我食乜

嘿嘿...可能係梅經理係佢隔離 所以惡唔出啦XD

兩碗米線 一杯可樂 飽到唔想郁...

先去執盤 o岩o岩過咗師奶highT個時間 d盤積埋好多 清一清冇晒

之後抹下盤咁 勁得閒囉!!!

到難搞ge晚飯時段 經理早就叫我8點執機尾

清姐摩打手咁洗 連同我都摩打手咁執 冇時間抖

好快到10點 估唔到可以清得咁快 係10:30收得工 yeah~

不過...走之前食埋森哥炒ge靚飯 嘆多杯紅豆冰都未遲^^