自從打完風之後 火鍋就愈買愈多 好記得前日賣得幾個
到琴日就十幾 今日就廿幾lu 照聽日 咪三十幾 嘩~我驚淋檔咋

今日茶市多番d人 搞到我冰又冇 奶又用完 阿萍行開咗
小娟整包類 芳姐出餐 我沖嘢飲 人手可以再多個嘅 不過都總算挨過
4點幾少番d人 終於放食飯 我呢~由12點開工 就冇停過
一係沖嘢 一係幫燒味佬開盤 收飛 一係搵嘢加 連飲啖水ge時間都冇
(我發覺我大個咗喇 仲可以教新嚟燒味佬做嘢添@@)

照我所講 火鍋賣得比之前都多 晚市終於可以坐滿人喇~
多人打邊爐咗 焗飯 燒味自然收得皮
但新嚟燒味係唔係都話淋檔 要人幫 係唔理佢 做番自己嘢反而幫到佢
真係佢 斬得慢都係燒味客等啫 我沖得慢ge話就連車頭ge客都要等嫁喇
臨收糠 入面淋到路都行唔到 我見儀姐同個成日發老蜢嘅阿姐洗到咁
我都睇唔過眼幫下手啦  如果梅姐見到就實會調個人入去幫手
佢唔係度 阿娟(主任)咩得搞掂 坐咗係度 理都唔理 人性!?

都係阿媽好 會親力親為^^ 雖然係平時煩咗少少  哦下你少少