佢番埋今日工我就要等到5月先可以係公司度見到佢喇

先前公司bbq佢見到樣嘢冇買到
後尾我瞞住佢 自己買咗 放咗係屋企都有半個月
遲遲冇藉口送俾佢 趁佢今日last day
我唔洗番學 就趁佢收工時 送啦~ 
(如果天時 地理 人和都許可 我仲想講d嘢俾佢) 

我知佢收12 我番2嫁嘛 見到佢ge時間就係佢放工後
係公司出面離遠見到佢ge身影 我既渴望見到佢 同時又害怕見到佢
渴望可以盡快將事情搞掂 早一秒令佢明白我諗乜
害怕當我見到佢 佢ge外貌 佢ge笑容 令我意離意沉迷

由12點等咗差不多一個鐘 都未見佢出嚟
覺得可能佢已經走咗 仲有個天可能唔俾我係今日見到佢啦 = -=
個太陽好曬 我企到好熱 見等咗成個鐘都冇進展
於是早d番工囉 有可以佢仲未走啦~

係佢竟然仲係公司未走囉
佢第一眼見到我個樣頹 問我仲咩 仲好好奇咁問我你咁早番工嘅
我話冇事 瞓醒係屋企冇乜嘢做咪番工囉(大話嚟)
我(好悔恨咁)問佢點解你仲未走ge 係呀哩排都好遲走...哦

跟住真係換咗番工衫 其實我可以直接哎佢出嚟
係冇咁多機會俾熟人見到ge地方送嘢俾佢ga
衰在我冇膽丫~我係一個敢想但唔唔敢愛ge人 "害"呱

面對面咁望住佢 尤其是佢對眼
我已經失晒計劃 先前準備係講完一大咋嘢先送ge
但時間有限 目的係送份嘢出去嘛我今日
於是係俾開始講佢對我ge感覺前 就送咗俾佢喇

之後想講 但係公司範圍真係唔敢講囉
失預算同時 唯有以笑遮醜 我知佢有俾時間我開口
但 我先前準備好講ge 無論我之前練習過幾多次 背到一字不漏都好
面對面出現咁ge情況 我都估唔到
結果選擇咗放棄最應該講個part 佢話e家走喇 咁我就食飯啦唯有

只見到芝欣同阿雲經過見到我送嘢俾佢
但同時又唔我對話d內容有冇俾人聽到
算係放下心頭大石啦 冇話今日失敗收場ge
佢肯收我份禮 我講俾佢知我會掛住佢 都好成功喇

食飯 阿雲姐 套我口風 傻ge都知我唔會認啦
一來因為我唔夠膽 二來我信唔過佢呱
拎漏嘢俾寫字樓拎 見到佢未走之餘 仲同芝欣密斟
好大機會講緊我啦~ 好想走埋去8下講緊乜
不過 怕尷尬啦我 啱啱 好似已經瘀瘀哋咁  


講下今日番工丫~ 我自己請纓企caller 
擺到明我講笑啦 茶市咁旺     後尾企咗中檔 試下出嘢
好難上手囉 自己又亂 去得又急
隻耳仔又好自然咁選擇性聽咗飲品ge call
個身就好自動咁沖嘢飲 因為我企開水嫁嘛

一頂唔順芳姐就過嚟幫我拖 我走番去沖嘢
阿娟凶我咁叫番我去中檔 
過咗今日茶市最旺後時候 我企番水 
夜晚跟嗲哋斬燒味 我斬咗個飯走嫁 哈哈