番10一番到去先到超長龍囉
一番去就好有使命感 就係幫手散條人龍喇
5個人ge早市 3個人ge午市 5個人ge茶市 3個人ge晚市
從上面d數字上睇到 邊d時段會有最多人嚟幫襯啦

冇錯 通常都係早,茶市最旺 最多人
做到偷d時間抖啖氣都冇
但今日ge午,晚市雖然唔及早,茶市咁多人
相比多2人應付ge早,茶市
少兩個人幫手ge午,晚市 又何妨唔係忙
今日ge晚市真係好q多人囉
好耐都未試過 暑假日日都咁多人ge時間 睇嚟好快到

我番早嘛 餐餐都只係食到半飽 
做一做嘢 郁一郁就消化晒
臨每個市ge尾尾 我ge疲態就盡露
冇咁多人丫嘛 又見攰喇喎 又餓 咪搵個角位踎陣囉
好不其然咁就恰著咗 余翠睇到 問我係咪攰
見佢個表情係好想鬧我咁 我冇呃佢呀 咪照直講囉
佢叫我收早一個鐘8點喎 但咩呢~
多人呢 點走啫 走晒order 收8半

換好衫番屋企 途中撞到sky,嘉賢仔,偉明
原來去篤波 反正我番到去除咗睇電視用電腦 都冇嘢做
哈哈 我咁就跟去喇 刁無台囉 要等 等咗半個鐘都冇台
佢哋原來未食嘢 9點成10點好多鋪都閂啦
估唔到sky提議食海皇粥囉......