之前我呃咗樹葉 佢嬲咗2日 想一番學見到我就打我咁話
打個電話同佢搞清件 係我承認我講大話係我ge不著
但一開始大家係溝通上出現問題 產生好多誤解
佢同我唔係錯晒 亦都唔會啱晒
哩件事上大家都要承擔一定責任
好喇~件事揹清喇
之後大家就煲咗2,3個鐘電話至瞓
乜事都冇lu

轉新look嘅第一個番學日
d人對我ge意見都係一半一半啦~
有人識唔到我 有人話我"潮"
有人話我似設計師之類同藝術扯得上關係ge職業
有人問我"你係男定女" 有人問我同sky你哋搞咩
不過 始終換咗形容 可以俾人耳目一新ge感覺=]

今日啱啱係月中 公司要點存就已經夠麻煩
加上下星期有新冰冰推出 各分店ge經理走過嚟開試食會
本應夜晚唔夠人用ge情況下
余翠又走埋掛住沖新嘢飲應酬班大嘢
剩番我同細娟兩個人砌檔 低能ga喎 d人嚟極都仲有
想行開下去飲啖水ge機會都冇
埋數喇 2個人砌到7000蚊生意囉 囧
平時3,4個人都係5,6千蚊咋嘛
我發覺自己成長咗 

今日最唔開心ge莫過於收錯咗張飛 要客人等咗好耐=[