7月27 雖唔係月頭 既唔係咩月,月尾
但727卻係俾到我一個煥然一新ge感覺

老細終於都可以暫時放鬆下喇
因為哩個月所走ge都分別請咗兩個o靚妹同借人番嚟幫手
最大問題ge洗水 係錦華借咗個嚟
跟住樓面就請咗兩個妹嚟分擔姐姐ge壓力
就算係踩都冇哩兩,三個禮拜咁辛苦
水吧就走咗個管理層-芳姐 (冇了期ge放大假)
翔哥同老細已經成半個月冇假放
於是係安定搵番阿媽嚟幫手頂兩日等佢哋放下假 

雖然咁樣做 唔知可唔可以繼續維持落去
但見步行步係e家能力範圍內所可以做ge 唯有係咁啦


今日超正
美欣話好悶冇嘢做 我開聲想佢入嚟企陣檔
阿娟,老細竟然冇反對
係~佢係有d嘢唔識跟
係~佢係有d嘢唔識沖
係~佢做唔嚟我都要跟番首尾
係~佢入嚟都唔可以話幫到我咩忙
但咁樣係我唯一可以擁有零距離ge做法
隨便so下d風度出嚟咯 哈哈

今日超瘀
冇收水吧四日糠啫 咩時間應該做咩ge觀念已忘了
好彩今日夜晚旺早唔旺夜啫
我發覺水吧e家做嘢已經係永遠少一個人喇
6,7點勁多order 我,阿娟 兩人企檔  
阿萍有企檔 不過係預產中 冧檔唔會幫手嫁喇 
之後冇乜人 收糠 洗嘢 乜都唔記得
洗咩先 咩洗後 完全唔記得 要翔哥提
係喎要洗嘢先知要做乜   睇怕我要d時間適應咯

今日high大咗
新識ge燒呆仔billy 今日last day
係我識佢以嚟第二日拍住佢 
佢斬得好快 又冇乜客 猛咁撩我傾偈
(變態嫁 我指佢講ge內容 極度不雅 極度挑釁囉)
我食咗屎嚟 可能係番返水吧呱
心情特別好 頂得順佢 因為我知佢份人本應就係咁
陪佢一齊癲 陪佢一齊狂 
下次燒味要佢頂ge話 我都歡迎ge
只要佢冇咁多口水 講同玩都唔好過晒火都ok ge