明明七點鬧鐘響 醒一醒 都再瞓過
明明可以多5個鐘用 都再瞓過
明明我有成3,4日blog未打 等今朝打 都再瞓過
明明上次做facial已經放過飛機 仲唔學精 都再瞓過
正一懶瞓豬嚟嫁

卜咗11點睇牙 唔係阿媽搭3哎我番工我都仲未起
照去睇牙 箍咗成年 今日終於去篐下面喇
既寄望快啲整靚去 又驚痛喎

半個鐘啫 未到學生嗰段時間
嚟呂明才同馬可賓兩咋學生
不停地砌咗大半個鐘 阿叔"叉紅"到手軟
係吔 成日流流長 砌檔係最想砌哩啲時間嫁啦

唓~我一早就估芳姐會番嚟嫁啦
唓~我一早就知樓面七國咁亂今日朱姐開樓面會
唓~我一早就想散一次堆積如山嘅下欄
唓~我一早就預PART TIME加人工嫁啦