無論係為咗彌補我係出面通咗日通宵 或真係為孝順都好 咗橫計掂都做咗日乖仔呀

今日我如常果個時間起身 發覺屋企一D聲氣都冇 原來早過我起身果D都因事唔係屋企

阿爸 , 大妹我就知係返工姐 但阿媽就真係唸唔到

正當我疑惑之際 有個電話打嚟 原來係阿媽

佢話去咗睇醫生 冇咁快返 叫我煮烏冬俾細妹&做家務

細妹起身嗌肚餓 我唯有係雪櫃度摷D嘜丸乜丸 煮咗兜鳥冬俾佢

食完之後 執碗 洗碗 掃地 洗衫 教細妹做功課 一腳踢

心唸阿媽平時都係咁做嫁啦 本應想嗌辛苦嘅事都忘記了

做到4點阿媽買埋餸返嚟 跟住食藥入房訓覺

訓到平時煮飯嘅時間都末起身 我冇打算嘈醒佢

自己落手落腳煮咗餐飯 (都見得下人嘅)  之後先叫醒阿媽

食食下 阿媽塞咗小小錢話獎勵我 我話唔使唔使 最後都收咗

跟住佢又食藥入房訓覺 我自覺地執碗,洗碗

之後先做返自己嘢 好彩搞掊得快 仲有得睇未希姐