又一日唔洗返學嘅日子 訓咗12個鐘頭覺 起身連早餐都未食完

阿爸就緊急召集成家人去掃貨喇 話買哩樣 換果樣 先去軒琴居買床褥 再去實惠買兩櫃 三凳 豪花三千

都唔知佢係咪痴咗線 冇啦啦買咁多嘢 仲搵我做咕哩 雖然有個櫃係買俾我啫  但係都唔洗咁急 一次過買呀

返到嚟 唔想執嘢都唔得喇 受咗咁大著數 嘅嘆佢買嘅送嘅唔咪一部手機  哎喲~會唔會貪心咗小小呢 !

一路播歌 一路睇電視 一路執嘢 咁就一個下晝啦 7點幾屋企開飯 等人打嚟叫我出去

8:30等到喇 輝打嚟 我係電話度聽到一把刺耳嘅歌聲 雖然見唔到 不過大概都估到係邊個 

於是急急腳幫屋企手 執碗 9:00去到青山灣 去到先知原來唔咪想像中周茵所講咁多人

都燒到7788喇 周茵被珍婆上身 輝18歲大壽 蛋糕少不免 個生日快樂字樣仲特別添

楨同文仔仲整咗張勁特別嘅生日卡俾輝 出沙灘影大合照 11點走人