最後一科測驗 係我冇乜溫到書嘅情況結束 總括嚟講呀 哩個所謂嘅exam 我有冇俾過心機溫書呢

講真個句 有嘅 但只限考試當日同前一日 合格嘅信心大唔大 5科嚟講 最驚catering  溫得最耐最唔識

12點鐘考完喇 可以話心頭大石嘅 但係心入面仲有一條刺 就係同lunclub嘅關係喇

你知喇  前果幾日篇嘢咁激 唔咪咁多人可以忍到嘅 加上今日我遲到考試 10點開考 我未返 佢哋冇個電話打嚟

我以為已經脫離咗lunclub嘅一份子 所以由返去考試到考完 我都冇甚至唔敢正視佢哋 考完就諗住自己粒聲唔出 走咗去

但係考完試喎 唔通真係返屋企咩 冇可能嫁 所以我咋d以走咗去 心想佢哋其中一個會打嚟問我係邊呱

12:15見唔對路 電話冇響 自己醒起之前係自己做錯嘅 冇理由要人就嘅 17歲喇 再唔咪細佬

於是打俾最冇殺傷力嘅霖 借d以問佢係邊 心諗佢實係同lunclub一齊 衰仔就衰仔一次哪 話晒同學一場 冇謂搞到咁薑啦

見到佢哋10個 阿細開聲講"好嘢~11個人齊" (當堂安樂晒 原來有人仲當我係lunclub 一員) 之後一齊食lunch 再去琪琪屋企

3點幾去到 有批人煲碟 ,搓D 另一批就打牌(一蚊番) 開頭我係搓D個邊嘅 真係唔該晒霖讓個位嚟打

打打下  秋好因為贏得最多接近三十 唔俾割和青  super輸咗好多 要贏番返嚟喎   

阿細都係輸開嘅 十幾囉 我坐下坐下 嬴d嬴d 都有十幾 當然想贏多少少嘅 4隻麻雀腳打到唔肯走 小達想打都難

之後打咗兩圈 有人要求換位 秋好仍然坐返果個 6:00阿奶話走 大家都一齊走喇 雀局個結果都冇乜變到

搭小巴到荃灣 再轉巴士返歸 車錢同出旺角一轉 有下次嘅 都係去人屋企好